नेपाली कांग्रेसका वरिष्ठ नेता रामचन्द्र पौडेलले अहिलेको असहज परिस्थितिमा पार्टीभित्र विश्वासको वातावरण बनाउन संसदीय दलको नेतामा सभापति शेरबहादुर देउवालाई समर्थन गरेको बताएका छन् । 

संसदीय दलको नेतामा देउवाको प्रस्तावकका रूपमा सिंहदरबार पुगेका नेता पौडेलले पार्टीभित्र र बाहिरसमेत विश्वासको वातावरण बनाउन आवश्यक भएकाले पार्टी सभापतिलाई संसदीय दलको नेतामा प्रस्ताव गर्ने निर्णयमा पुगेकाे बताए । उनले संसदीय दलको नेतामा सभापति देउवा निर्विरोध हुने दाबीसमेत गरे । 

‘अहिलेको असहज परिस्थितिमा नेपाली कांग्रेसभित्र विश्वासको वातावरण बनाउन आवश्यकता भएकाले मैले पार्टी सभापति शेरबहादुर देउवालाई संसदीय दलको नेतामा प्रस्ताव गरेको छु । पार्टी सभापतिलाई संसदीय दलको नेतामा सर्वसहमत चयन गर्न सबैलाई आग्रह गर्दछु’, पौडेले भने । 

संस्थापन इतर पक्षबाट पार्टी महामन्त्री गगनकुमार थापा संसदीय दलको नेतामा प्रतिष्पर्धा गर्दै छन् । पार्टीका नेता डा. शेखर कोईरालाले युवा पुस्तान्तरणका लागि आफूले गगनलाई सममर्थन गरेको बताउँदै गगनलाई संसदीय दलको नेतामा समर्थन गर्न पार्टीका सांसदहरुलाई आग्रह गरेका थिए ।