नेपाली राष्ट्रिय टिमका पूर्वकप्तान सन्दीप लामिछानेलाई फसाइएको उनका साथी तथा क्रिकेटर देव खनालले अदालतसमझ बयान दिएका छन्। 

आज (सोमबार) काठमाडौं जिल्ला अदालतमा सरकारी साक्षीको रुपमा बकपत्र गर्न उपस्थित भएका खनालले क्रिकेटको माध्यमबाट विदेशमा नेपालको नाम चिनाएकाले उनलाई निर्दोष साबित गर्नुपर्ने बताएका भएका हुन् । 

‘उहाँले देशमा विपत्ति पर्दा राज्यलाई राहत कोषमा सहयोग गर्ने, आफैं गएर सहयोग गर्ने र विदेशमा पनि क्रिकेटको माध्यमबाट नेपालको नाम चिनाउनुभएको छ,’ उनको भनाइ उद्धृत गर्दै एक वकिलले लोकान्तरसँग भने ।

उनले अरू कुनै तत्वले फसाएकाले उनले अभियोगबाट छुटकारा पाउनुपर्ने खनालले बताएका बताएका ती वकिलले भने। भदौ ५ गते नाबालिगामाथि बलात्कार गरेको आरोपमा प्रहरीमा उनीविरुद्ध उजुरी परेको थियो । अहिले लामिछाने केन्द्रीय कारागारमा छन्।