'जनयुद्ध दिवस' का दिन जिल्ला प्रशासन कार्यालयले दियो सार्वजनिक बिदा

'जनयुद्ध दिवस' फागुन १ गतेका दिन जिल्ला प्रशासन कार्यालय चितवनले पनि बिदा दिएको छ। 

आज एक सूचना प्रकाशित गरी कार्यालयले जिल्लामा बिदा दिने निर्णय गरेको हो। 

बागमती प्रदेश सरकारको २४ माघमा बसेको मन्त्रिपरिषद्‌ बैठकको निर्णयअनुसार १ फागुनमा जनयुद्ध दिवसको अवसरमा बिदा दिने निर्णय गरेको थियो। 

यसअघि कर्णाली प्रदेशले पनि गत २३ माघको मन्त्रिपरिषदको निर्णयअनुसार ‘जनयुद्ध दिवस’मा प्रदेशभर सार्वजनिक बिदा दिने निर्णय गरेको थियो ।

दुवै प्रदेशमा नेकपा (माओवादी केन्द्र) नेतृत्वको सरकार छ।