आईसीसी विश्वकप लिग-२ त्रिकोणात्मक ओडीआई सिरिजअन्तर्गत नामिबियाविरुद्ध खेलमा कुशल भुर्तेलले नामिबियाविरुद्धको खेलमा कीर्तिमानी शतक बनाएका छन्। 

२८६ रनको लक्ष्य पछ्याउने क्रममा भुर्तेलले ९९ रनमा शतक बनाएका हुन्। 

जस क्रममा उनले ४ छक्का र ६ चौका प्रहार गरे। ९९ बलमा शतक पूरा गरेका कुशल नेपाली ओडीआईमा ओपनरको रूपमा शतक प्रहार गर्ने पहिलो क्रिकेटर बनेका छन् ।

टस हारेर ब्याटिङ रोजेको नामिबियाले २ सय ८६ रनको विशाल विजयी लक्ष्य दिएको थियो। ​ओडीआईमा भने नेपालबाट शतक प्रहार गर्ने उनी चौथो खेलाडी हुन् ।

यसअघि नेपालबाट रोहित पौडेल, पारस खड्का र दीपेन्द्रसिंह ऐरीले शतक हानेका छन्।

पारस खड्काले २०१९ मा यूएईविरुद्ध १ सय ९ बलमा १ सय १५ रनको शतकीय इनिङ खेलेका थिए । उक्त शतक नेपालको ओडीआईमा पहिलो थियो ।