आईसीसी विश्वकप लिग २ त्रिकोणात्मक ओडीआई सिरिजमा नेपालविरुद्ध ४ बल बाँकी छँदै पपुवा न्युगिनी (पीएनजी) १ सय ७९ रनमा अल आउट भएको छ। 

दुबई इन्टरनेशल क्रिकेट स्टेडियममा टस जितेर पहिला ब्याटिङ थालेको पपुवा न्युगिनीले नेपाललाई १८० रनको सामान्य लक्ष्य दिएको हो। 

आजको खेलमा नेपालका दीपेन्द्रसिंह ऐरी र सोमपाल कामीले २/ २ विकेट लिए। 

आज पीएनजीका कुनै पनि ब्याटरले अर्धशतक बनाउन सकेनन्। उसका लागि ओपनर टोनी उराले सर्वाधिक ३९ रन बनाए भने हिरी हिरीले ३१ रन तथा किप्लिन डोरिगाले २६ रन बनाउन सके। 

​प्रतियोगितामा यो सहित ६ खेल खेल्न बाँकी नेपाललाई शीर्ष ३ मा स्थान बनाउन सबै खेल जित्नैपर्ने दबाब छ ।