नेपालको १२ औं राष्ट्रिय जनगणना २०७८ को नतिजा सार्वजनिक भएको छ ।

शुक्रवार काठमाडौंमा विशेष कार्यक्रम गरी जनगणनाको अन्तिम तथ्यांक सार्वजनिक गरिएको हो ।

नेपालको कुल जनसंख्या २ करोड ९१ लाख ६४ हजार ५७८ रहेको छ जसमा पुरुष १ करोड ४२ लाख ५३ हजार ५५१ रहेका छन् भने महिला १ करोड ४९ लाख ११

हजार २७ रहेको छ । पुरुषको संख्या महिलाभन्दा ६ लाख ५७ हजार ४७६ कम छ ।

यसपटक बागमती र मधेश प्रदेशमा करीब २१ प्रतिशत जनसंख्याको बसोवास छ भने कर्णाली प्रदेशमा सबैभन्दा कम रहेको देखिएको छ ।

बाग्मतीमा २०.९७, मधेशमा २०.८७ र कर्णालीमा ५.७९ जनसंख्या रहेको देखिन्छ ।

प्रधानमन्त्री पुष्पकमल दाहाल प्रचण्डको उपस्थितिमा तथ्यांक सार्वजनिक गरिएको हो ।

जनसंख्या वृद्धिदरको हिसाबले हेर्दा भक्तपुर सबैभन्दा अगाडि छ भने रामेछापको जनसंख्या वृद्धिदर सबैभन्दा कम छ ।

नेपालमा २ हजार ९२८ जना अन्य लिंगीको बसोवास रहेको छ, जसमा बागमती प्रदेशमा कुल संख्याको एक तिहाइको बसोवास छ ।