वाणिज्य बैंकहरूले ब्याजदर घटाएका कारण बढेको शेयर बजारको उत्साह थप एक दिन पनि टिक्न सकेन ।

बुधवार वाणिज्य बैंकहरूले ब्याजदर घटाउने निर्णय गर्दा ९२ अंकले बढेर उत्साह जगाएको शेयर बजार बिहीवारै २९ अंकले घटेको छ ।

शेयर बजारको लागि कारोवार हुने साताको अन्तिम दिन बिहीवार बजार १.४८ प्रतिशतले घटेर १९३४.४७ विन्दुमा झरेको छ । 

बजार घटे पनि कारोवार भने ४ लाख ९१ हजार कित्ता शेयरको ४८ हजार पटकबाट १ अर्ब ६५ रुपैयाँ भएको छ। 

आज नेप्सेमा सूचीकृत कम्पनीमध्ये २७० वटाको कारोवार भएको छ । 

बजार घटे पनि ३ वटा कम्पनीको शेयर मूल्यमा भने सकारात्मक सर्किट लागेको छ ।

बिहीवार आदर्श लघुवित्त वित्तीय संस्था, कालिञ्चोक दर्शन लिमिटेड र मोलुङ हाइड्रोपावर कम्पनीको शेयर मूल्य १० प्रतिशतले बढ्यो।

आज सबैभन्दा बढी गुमाउनेमा भने सिद्धार्थ इन्भेष्टमेन्ट ग्रोथ स्कीमको ५.५० प्रतिशत छ । 

आज सबैभन्दा बढी कारोवार शिवम् सिमेन्टको भयो। यो कम्पनीको २ लाख ४ हजार कित्ता शेयरको किचनबेच भएको छ । यसबाट यो कम्पनीको मात्रै ८ करोड ४२ लाख रुपैयाँको कारोवार भएको छ ।

बजार घटेको दिन नेप्सेका सबै उपसूचक २.४८ प्रतिशतसम्मले ऋणात्मक भएको छ ।