इन्डियन प्रिमियर लिग (आईपीएल) क्रिकेटअन्तर्गत मंगलवार राति भएको खेलमा गुजरात टाइटन्सलाई ५ रनले हराउँदै दिल्ली क्यापिटलले जितेको छ ।

शुरूआती ब्याटिङ गरेको दिल्लीले गुजरातसामु १३१ रनको लक्ष्य राखेको थियो । जवाफी ब्याटिङ गर्दै गुजरातले ६ विकेट गुमाएर १२५ रन मात्रै बनाउन सक्यो ।

दिल्लीले ८ विकेटको क्षतिमा १३० रन बनाउँदा खेल गुजरातले सहजै जित्ने अनुमान गरिएको थियो तर दिल्लीका बलरले गुजरातलाई खेल जित्न दिएनन् । अंकतालिका हेर्दा गुजरात शीर्षस्थानमा रहेको थियो भने दिल्ली पुछारमा थियो ।

गुजरातका लागि सर्वाधिक ५९ रन हार्दिक पांड्याले बनाएका छन्, त्यसबाहेक अन्यले बढी रन बनाउन सकेनन् ।