नेपाली क्रिकेट टिमका कप्तान रोहित पौडेलले नेपाली टिमको एकता, परिश्रम, संघर्ष र विश्वासको फल पाएको बताएका छन् । ​

युएईलाई पराजित गर्दै एसिया कपमा छनोट भएपछि पौडेलले एउटा सपना साकार भए पनि अझै धेरै सफलता हासिल गर्न बाँकी रहेको बताएका हुन् । 

‘एकता, परिश्रम, संघर्ष र विश्वासको फल ! एसिया कप क्वालिफायर ! नेपाली क्रिकेटको लागि देखेका अनेक सपनाहरू मध्ये एउटा सपना साकार भएको छ  यो जीत क्रिकेटसँग जोडिनु भएका व्यक्तित्वलाई मात्र नभएर,सम्पूर्ण नेपालीलाई समर्पित छ !’ उनले सामाजिक सञ्जालमा लेखेका छन्, ‘नेपाली टिम, कोच, सहयोगी कर्मचारी, समर्थक , ग्राउन्ड्स्मेनहरू एवं समस्त शुभचिन्तक लाई धेरै धेरै धन्यवाद १ आशा छ कि हामी अझै पनि धेरै सफलताहरूलाई हासिल गर्नेछौँ।’ 

वर्षाले बिथोलेको खेलमा नेपाल युएईलाई ७ विकेट गरी एसीसी प्रिमियर कप जित्दै एसिया कपका लागि छानिएको हो । नेपालले अब भारत, पाकिस्तानसँग खेल्नेछ ।