केन्द्रीय बैंकले मौद्रिक नीतिमा केही लचकता अपनाएर तेस्रो त्रैमासिक समीक्षा सार्वजनिक गरेको छ । विद्यमान बैंक दरलाई १ प्रतिशत बिन्दुले घटाएर ७.५ प्रतिशत बनाएको छ । ब्याजदर करिडोरअन्तर्गतका अन्य दरहरूलाई भने यथावत राखेको राष्ट्र बैंकले जनाएको छ ।

८.५ प्रतिशतको बैंकदरलाई १ प्रतिशतले घटाएको हो । हाल एउटा बैंकले अर्को बैंकलाई दिने सापटी रकममा लिँदै आएको साढे ८ प्रतिशतको शुल्कलाई घटाएर साढे ७ प्रतिशत मात्रै बढाउने व्यवस्था राष्ट्र बैंकले गरेको छ ।

राष्ट्र बैंकले बैंकहरूलाई उपलब्ध गराउने दैनिक तरलता सुविधालाई भने मौद्रिक नीतिको दोस्रो त्रैमासिकको समीक्षबाटै ७ प्रतिशत बनाइसकेको छ ।

अर्थतन्त्रका आन्तरिक आर्थिक गतिविधिहरू चलायमान बनाउन सहयोग पुर्‍याउने गरी सजगतापूर्वक केही लचिलो बनाइएको केन्द्रीय बैंकले जानकारी दिएको छ ।