कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
नक्कली भुटानी शरणार्थी बनाएर नेपाली युवालाई अमेरिका पठाइदिने भन्दै गरिएको सङ्गठित ठगी आरोपमा नेकपा एमालेका सचिव टोपबहादुर रायमाझी पक्राउ परेका छन् । शरणार्थी बनाएर अमेरिका पठाइदिने भन्दै सयौँ नेपालीसँग ठगी गर्ने गिरोहलाई संरक्षण दिएको आरोपमा रायमाझी पक्राउ परे ।
ठगी आरोपमा पक्राउ पर्ने रायमाझी राजनीतिक दलको उच्च ओहोदाको नेता हुन् । लामो समय नेकपा माओवादीमा राजनीति गरेका रायमाझी २ वर्ष अघिदेखि नेकपा एमाले बनेका हुन् । नेकपा एमाले र माओवादी मिलेर बनेको नेकपा विभाजित हुँदा रायमाझीले एमाले रोजेका थिए ।
गत मंसिरमा सम्पन्न प्रतिनिधि सभा निर्वाचनमा सत्ता गठबन्धनका उम्मेदवारलाई पराजित गरेर रायमाझीले सङ्घर्षपूर्ण जीत निकालेका थिए । रायमाझी ४२ हजार ६ मत सहित विजयी हुँदा नेपाली कांग्रेसकी पुष्पा भुसालले ४० हजार ९ मत पाएकी थिइन् । २०६४ सालयता भएका सबै निर्वाचनमा रायमाझी अर्घाखाँचीबाट विजयी हुँदै आएका छन् ।
माओवादी शान्ति प्रक्रियामा आएपछि धेरै अवसर पाउने नेतामध्ये रायमाझी एक हुन् । ऊर्जा, स्थानीय विकास र भौतिक पूर्वाधार जस्ता मन्त्रालयको नेतृत्व गर्ने अवसर पाएका थिए । रायमाझी ४ पटक मन्त्री बनिसकेका व्यक्ति हुन् ।
२०३४ सालमा कम्युनिस्ट पार्टीको सदस्यता लिएका रायमाझी सुरुमा नेकपा मसालमा सक्रिय थिए । २०४४ सालमा उनी अनेरास्ववियु छैटौको अध्यक्ष बनेका थिए ।
रायमाझी २०४८ सालमा डा.बाबुराम भट्टराईसँगै प्रचण्ड नेतृत्वको मसालमा गएका थिए । २०५२ सालमा माओवादीले सशस्त्र जनयुद्ध गर्दा रायमाझी भूमिगत भएका थिए ।
भूमिगतकालमा ‘अनिल’ नामले परिचित रायमाझी सरकार–माओवादी शान्ति वार्ताको बेला टोलीको सदस्य भइसकेका व्यक्ति हुन् ।
माओवादीमा रहँदा डा. बाबुराम भट्टराईसँग नजिक मानिने रायमाझीले बाबुरामले पार्टी छाड्दा उनलाई सघाएनन् । बाबुरामको साथ छाडेपछि २०७२ सालमा बसेको केपी ओली सरकारमा उनी उपप्रधानसहित ऊर्जा मन्त्री बनाएका थिए ।
२०७७ साल पुसमा भएको प्रतिनिधि सभा विघटनलाई ‘प्रतिगमन’को संज्ञा दिँदै प्रचण्डलगायतका नेताले ओलीको विरोध गरेको समयमा रायमाझीले भने एमाले रोजेका थिए । यस्तै २०७८ मंसिरमा चितवनमा सम्पन्न एमालेको महाधिवेशनबाट रायमाझी सचिव बनेका थिए ।
राजनीतिक करिअर उचाइमा पुगेको समयमा ६३ वर्षीय रायमाझीलाई नक्कली शरणार्थी प्रकरणले कालो धब्बा लाग्न पुगेको छ । अर्थात कम्युनिस्ट पार्टीमा लागेको ४६ वर्षपछि उनको करियरमा गम्भीर प्रश्न चिह्न खडा भएको छ ।
सयौ युवा ठगी प्रकरणमा रायमाझीको संलग्नताको बलियो प्रमाण पाएर नै प्रहरीले उनलाई पक्रने जोखिम लिएको हो । शरणार्थी ठगी प्रकरणमा रायमाझीले सफाइ पाउने ठाउँ नरहेको अनुसन्धानमा संलग्न अधिकारीहरू बत्ताउँछन् ।
शरणार्थी प्रकरण नहुँदै पनि उनको परिवारको आर्थिक हैसियतबारे माओवादी भित्र प्रश्न उठ्दै आएको थियो । अस्वाभाविक आर्थिक लाभ र महत्त्वाकाङ्क्षा रायमाझीको राजनीतिक करिअर उठ्न नसक्ने गरी ढलेको विश्लेषण हुन थालेको छ ।
यही प्रकरणमा पूर्व गृहमन्त्री तथा कांग्रेस नेता बालकृष्ण खाँण पनि पक्राउ परिसकेका छन् । राजनीतिक कनेक्सन जोडिएको यो प्रकरणमा पक्राउ पर्ने खाँण रायमाझीपछिका उच्च राजनीतिक नेतृत्व हुन् ।
बुधवार पक्राउ परेका खाँणसहितका अभियुक्तहरूमाथि आइतबारमात्रै थप ४ दिनको म्याद लिएर प्रहरीले अनुसन्धान गरिरहेको छ । यो प्रकरणमा हालसम्म तत्कालीन गृहमन्त्री रामबहादुर थापा बादलका सुरक्षा सल्लाहकार इन्द्रजित राई, नेपाल सरकारका सचिव टेकनारायण पाण्डेसहित पक्राउ पर्नेको सङ्ख्या १३ पुगेको छ ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
मानव स्वभाव प्रायः म र मेरो भन्ने हुन्छ । जस्तोसुकै आदर्शको कुरा गरे पनि, जतिसुकै महान देखिन खोजे पनि यी म र मेरोमा अलिकति धक्का लाग्नेबित्तिकै, ढेस पुग्नेबित्तिकै त्यस्ता आदर्श र महानता कुन सड्को ‘फू&rsquo...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...