फागुन ३०, २०८०
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
जेठ ११, २०८०
बानेश्वरस्थित संसद् भवन परिसरभित्र रेस्टुरेन्ट चलाएको एक व्यापारिक घरानाले झण्डै ४ वर्षदेखि भाडा नबुझाएको पाइएको छ ।
अन्तर्राष्ट्रिय सम्मेलन केन्द्र विकास समितिले संसद् परिसरकै भवन व्यवसायी चण्डीराज ढकालको बेइजिङ रोस्ट डक रेस्टुरेन्टलाई भाडामा दिएको छ ।
चिया, गार्मेन्ट, फेसन वीयरसहितका व्यापार र उद्यममा रहेका ढकाल एक व्यावसायिक घरानाका रूपमा चिनिन्छन् । नेपाल उद्योग वाणिज्य महासंघ (एफएनसीसीआई)मा २०६२ देखि ०६४ सम्म अध्यक्ष भएका ढकालले राजनीतिक पहुँचकै आधारमा भाडा नतिरी लामो समयदेखि सरकारी समितिलाई झुलाइरहेका छन् ।
ढकालले ९ पुस २०७५ मा नयाँ बानेश्वरको अन्तर्राष्ट्रिय सम्मेलन केन्द्रको एक छेउमा रहेको उक्त रेस्टुरेन्ट भाडामा लिएका थिए । १० वर्षका लागि ढकालले भाडामा लिएको रेस्टुरेन्टले अहिलेसम्म मुस्किलले एक वर्षको मात्रै भाडा तिरेको छ ।
अन्तर्राष्ट्रिय सम्मेलन केन्द्र विकास समितिले भाडा तिर्न पटक–पटक ताकेता गर्दा पनि ढकालले बेवास्ता गरिरहेका छन् । ढकालको उक्त रेस्टुरेन्ट चलाउन घरभाडा, पानी, बत्ती र सरसफाइको गरेर वार्षिक ८४ लाख रुपैयाँ भाडा तिर्नुपर्ने सम्झौता छ । सम्मेलन केन्द्र विकास समितिसँग गरेको सहमति अनुसार ढकालले भाडा तिरेका छैनन् ।
अन्तर्राष्ट्रिय सम्मेलन केन्द्र विकास समितिको नयाँ बानेश्वरमा रहेको बहुउद्देश्यीय व्यापारिक भवनमा यो रेस्टुरेन्ट छ । रेस्टुरेन्टले घर भाडा, बहाल कर, पानी, बत्ती र सरसफाइ समेत गरी मासिक ६ लाख ७२ हजार रुपैयाँ सरकारी समितिलाई बुझाउने गरी सम्झौता गरेको छ ।
हेर्नुहोस्, सम्झौता :
सम्मेलन केन्द्रको उत्तरपश्चिम कुनामा रहेको बहुउद्देश्यीय व्यापारिक भवनको दोस्रो र तेस्रो तला तथा तेस्रो तलाको बाहिरी भाग भाडामा लिएर ढकालले रेस्टुरेन्ट चलाएका छन् ।
उनले रेस्टुरेन्ट चलाएदेखि हालसम्म तिर्नुपर्ने भाडा साढे ४ करोड रुपैयाँभन्दा बढी पुगिसकेको छ, यसमध्ये पटक–पटक गरेर मुश्किलले १ करोड तिरे पनि साढे ३ करोड रुपैयाँभन्दा बढी बाँकी रहेको अन्तर्राष्ट्रिय सम्मेलन केन्द्र विकास समितिका सूचना अधिकारी कमल थापाले बताए ।
उनका अनुसार रेस्टुरेन्टले कोरोनापछि आएको समस्याका कारण भाडा तिर्न नसकेको जानकारी दिएको छ । लामो समदेखि ठाउँ ओगटेर बस्ने तर, भाडा नतिर्ने रबैयाविरुद्ध समितिको ध्यानाकर्षण भएको उनले बताए ।
सम्झौताविपरीत तेस्रो पक्षलाई भाडामा, सरकारी निकाय बेखबर
ढकालले भाडामा लिएको रेस्टुरेन्टले पनि तेस्रो तला अर्कैलाई भाडामा लगाएको छ । ढकालले भाडामा लिएको रेस्टुरेन्टको एउटा तला तेस्रो पक्षलाई भाडामा दिएका हुन् ।
तेस्रो तला र त्यसको कौशीमा द लफ्ट नामक रेस्टुरेन्ट सञ्चालनमा छ । उससँग भने ढकालले नियमित भाडा असुलिरहेका छन् ।
सम्मेलन केन्द्र र बेइजिङ रोस्टबीच भएको सम्झौताविपरीत ढकालले तेस्रो पक्षलाई भाडामा राखेका छन् । उक्त क्षेत्र अनुमतिविना तेस्रो पक्षलाई भाडामा लगाउन नपाइने भाडा सम्झौताको बुँदा नम्बर ७ मा उल्लेख छ । भाडामा लगाउनु परेमा समितिको पूर्व स्वीकृति चाहिन्छ । तर, ढकालले समितिको स्वीकृतिविना नै तेस्रोपक्षलाई ३ वर्षदेखि भाडामा राखेका छन् ।
द लफ्टले मासिक २ लाख ८७ हजार रुपैयाँ ढकालको कम्पनीलाई भाडाबापत बुझाउनुपर्छ । विकास समितिका सूचना अधिकारी थापा तेस्रो पक्षलाई भाडामा लगाएको विषय भने आफूहरूलाई जानकारी नभएको बताउँछन् ।
आफू झण्डै ४ वर्षसम्म भाडा नबुझाउने ढकालले द लफ्टसँग भने २ दिन पनि समय नाघ्न नदिई भाडा उठाउने गरेका छन् । एकपटक त भाडा तिर्न ढिला भएको भन्दै ढकालले लफ्ट रेस्टुरेन्ट प्रवेश गर्ने भर्याङमै साङ्लो र भोटे ताल्चा ठोकिदिएको स्रोतले दाबी गर्यो ।
भाडा समयमा नै नदिएको भन्दै बाटो छेकेर व्यवसाय नै रोक्ने काम पटक–पटक भएको द लफ्टका सञ्चालक राजेन्द्र श्रेष्ठले पनि स्वीकारे ।
व्यवसाय सञ्चालनका लागि स्थानीय पालिकामा दर्ता हुनुपर्ने विद्यमान कानूनी प्रावधान छ । तर, ढकालले यो व्यवसाय दर्ता नगरी चलाएका छन् । उनको रेस्टुरेन्ट काठमाडौं महानगरपालिकाको वडा १० मा रहेको छ । वडा कार्यालयमा व्यवसाय दर्ता नगरिकनै सञ्चालन गर्दा राज्यले पाउनुपर्ने कर पनि गुमेको छ ।
लामो समयदेखि भाडा नबुझाउने बेइजिङ रोस्टलाई कारबाहीको तयारी भएको समितिका सूचना अधिकारी थापाले बताए ।
‘अब पत्र काटेर पैसा तिर्न आउने समय दिइने छ । समयमा नआए सम्झौता खारेज गरेर जाने तयारी भइसकेको छ’, थापाले भने ।
व्यापार कम, तनाव बढी– ढकाल
बेइजिङ रोस्ट डकका सञ्चालक चण्डीराज ढकालले भने व्यापार कम तनाव बढी भएको प्रतिक्रिया दिए ।
हाल व्यापारिक कामको सिलसिलामा बंगलादेशको ढाकामा रहेका ढकालले लोकान्तरसँग भने, ‘यो रेस्टुरेन्टमा व्यापार कम, तनाव बढी छ ।’
ढकालले अब आफू रेस्टुरेन्ट बन्द गर्ने पक्षमा रहेको जानकारी दिए ।
‘विभिन्न समस्या र व्यापार नभएको अवस्थामा पनि डेढ करोड रुपैयाँ तिरिसकेका छौ । यहाँ त संसदीय इश्यु हुने, व्यवसाय गरिखान खोज्नेलाई लखेट्नेसहितका समस्यैसमस्या छ । एक साताभित्र नेपाल फर्किन्छु र यो रेस्टुरेन्ट बन्द गर्ने प्रक्रिया अगाडि बढाउँछु ।’
उनले पहिलो पक्षसँगको सहमतिविपरीत तेस्रो पक्षलाई भाडामा लगाएको स्वीकार गरे । समयमा भाडा नबुझाउँदा ४ दिनसम्म प्रवेशमा रोक लगाएको पनि उनको स्वीकारोक्ति छ ।
भाडामा लिनेले समयमा पैसा नतिर्ने, दिएको चेक पनि 'बाउन्स' भइरहने समस्याले गर्दा सचेत गराउन त्यसरी प्रवेशमा रोक लगाएको उनको जिकिर छ ।
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...