मधेश प्रदेश सरकारमा २ जना मन्त्री नियुक्त भएका छन् ।

मधेश प्रदेशका मुख्यमन्त्री सरोजकुमार यादवको सिफारिसमा सोमवार प्रदेश प्रमुख हरिशंकर मिश्रले गृह, सञ्चार तथा कानून मन्त्रीको जिम्मेवारी मोहम्मद समिमलाई दिएर कार्यविभाजन गरेका छन् । समिम नेपाली कांग्रेसका सांसद हुन् ।

श्रम तथा यातायात मन्त्रीको जिम्मेवारी जनमत पार्टीका सांसद चन्दनकुमार सिंहले पाएका छन् । दुवै मन्त्रीले सोमवार नै प्रदेश प्रमुखसमक्ष पद तथा गोपनियताको शपथ ग्रहण समेत गरिसकेका छन् ।

यससँगै मधेश प्रदेश सरकार २ राज्यमन्त्रीसहित १४ सदस्यीय बनेको छ । मधेश सरकारले आज छैटौंपटक मन्त्रिपरिषद् विस्तार गरेको हो ।