कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–
सत्ता गठबन्धनभित्र राष्ट्रियसभाको १९ सिटमा असन्तुष्टिका बीच भागबण्डा भएको छ । गठबन्धन दलभित्र रहेका सबैलाई भागबण्डा नदिई ४ दलबीचमात्रै बाँडफाँट गर्न लागिएको हो ।
शनिबार अबेरसम्म बसेको शीर्ष नेताहरुको बैठकमा कांग्रेसले १०, माओवादीले ६, एकीकृत समाजवादीले २ र जसपाले १ सिट पाउने गरी भागबण्डामा छलफल भएको छ । यद्यपि यसमा एकीकृत समाजवादीले चित्त बुझाएको छैन । यस्तै सिट दाबी गरेका जनमत र राष्ट्रिय जनमोर्चाले पनि चित्त बुझाएका छैनन् ।
शनिबार अबेरसम्मको छलफलको आधारमा आइतबार बस्ने सत्ता गठबन्धनको बैठकमा निर्णायक छलफलमा पुगिने नेताहरुको भनाइ छ । (माओवादी केन्द्र) का उपमहासचिव वर्षमान पुनले १९ सिटमध्ये नेपाली कांग्रेसले १०, माओवादी केन्द्रले छ, नेकपा (एकीकृत समाजावादी) ले दुई र जनता समाजवादी पार्टी (जसपा) ले एक सिट लिने मोटामोटी समझदारी बनेको दाबी गरे । उनले आइतबार बस्ने बैठकमा अन्तिम निर्णय हुने बताए ।
यसअघि शनिबार नै बसेको सत्ता गठबन्धनको बैठक निष्कर्षविहीन बनेको थियो । गठबन्धनको बैठक निष्कर्षविहीन बनेपछि शीर्ष नेताहरु फेरि छलफलमा बसेका थिए ।
००००
सत्ता गठबन्धनले राष्ट्रिय सभा निर्वाचनमा नेकपा एमालेलाई नसमेट्ने भएको छ । शनिबार बिहान बालुवाटारमा बसेको गठबन्धन दलहरूको बैठकले एमालेलाई नसमेटेरै अगाडि बढ्ने सहमति गरेको हो ।
००००
प्रधानमन्त्री प्रचण्डको निर्देशनपछि त्रिभुवन विश्वविद्यालयको उपकुलपति नियुक्तिका लागि आह्वान गरिएको विज्ञापन रद्द गरिएको छ । गत शुक्रबार प्रकाशन गरिएको दरखास्त आह्वानसम्बन्धी सूचना २१ पुसको निर्णय अनुसार रद्द गरिएको त्रिविले जानकारी दिएको छ ।
००००
यातायात कार्यालयका कर्मचारी र बिचौलियाको मिलेमतोमा ठूलो संख्यामा अवैध लाइसेन्स बाँडिएको प्रकरणमा अख्तियार दुरुपयोग अनुसन्धान आयोगले छानबिन शुरू गरेको छ ।
लिखित र ट्रायल परीक्षा नै नलिई अवैध ढंगले ठूलो परिमाणमा लाइसेन्स जारी भएको खुलासा लोकान्तरले गरेपछि अख्तियारले छानबिन शुरू गरेको हो ।
००००
चित्रबहादुर केसी नेतृत्वको राष्ट्रिय जनमोर्चाले भारतले २० करोडका योजना नेपालमा सोझै बाँड्ने गरिएको सम्झौता लज्जाजनक भएको निष्कर्ष निकालेको छ ।
‘२०८० पुस १९ गतेका दिन नेपाल–भारत परराष्ट्रमन्त्री स्तरीय संयुक्त आयोगको बैठकले गरेको उच्च प्रभावयुक्त सामुदायिक विकास आयोजनाको नाममा भारतको नेपालस्थित राजदूतावासबाट २० करोडका योजना नेपालभरि सोझै बाँड्न र लागु गर्न सक्ने सम्झौताप्रति हाम्रो पार्टी राष्ट्रिय जनमोर्चाले कडा विरोध तथा भत्र्सना गर्दछ । यो सम्झौता सार्वभौमसत्ता सम्पन्न र स्वतन्त्र मुलुकका लागि लज्जाजनक तथा राष्ट्रिय हित विरुद्ध रहेको छ’, जनमोर्चाले जारी गरेको विज्ञप्तिमा भनिएको छ ।
००००
राष्ट्रिय स्वतन्त्र पार्टीका सभापति रवि लामिछानेले मुलुकले परिवर्तनको आवाज खोजेको बताएका छन् ।
शनिबार पाल्पाको रामपुर नगरपालिकामा भएको पाल्पा खुला सभालाई सम्बोधन गर्दै सभापति लामिछानेले नेपाली जनताले साथ दिए मात्रै परिवर्तन सम्भव रहेको बताए ।
००००
नेपाली कांग्रेसको कार्यसम्पादन समितिको बैठक सरेको छ ।
राष्ट्रियसभाको सदस्य निर्वाचनका लागि उम्मेदवार तय गर्न शनिबार दिउँसो १ बजेलाई तोकिएको बैठक आइतवारलाई सारिएको केन्द्रीय कार्यालयका मुख्य सचिव कृष्णप्रसाद पौडेलले जानकारी दिएका छन् ।
००००
नेकपा एकीकृत समाजवादीले राष्ट्रियसभाका उम्मेदवार छान्ने जिम्मा अध्यक्षसहित तीन नेतालाई दिएको छ ।
शनिवार बसेको सचिवालय बैठकले राष्ट्रियसभा सदस्यको उम्मेदवार टुंग्याउने जिम्मा अध्यक्ष माधवकुमार नेपाल, उपाध्यक्ष राजेन्द्र पाण्डे र महासचिव घनश्याम भुसाललाई दिएको जानकारी प्रवक्ता जगन्नाथ खतिवडाले दिए ।
००००
सर्लाहीको बरहथवामा भएको प्रदर्शनमा मृत्यु भएका जयशंकर साहको परिवारलाई सरकारले राहतस्वरुप १० लाख रुपैयाँ दिने भएको छ ।
शनिवार गृह मन्त्रालयले एक विज्ञप्ति जारी गर्दै मृत्यु भएका साहको परिवारलाई राहतस्वरुप १० लाख रुपैयाँ उपलब्ध गराउने जानकारी दिएको हो ।
सो घटना छानबिन गर्न तीन सदस्यीय समिति पनि बनेको छ ।
००००
सर्वोच्च अदालतले अरुण तेस्रो प्रवेश मार्गमा आन्दोलन गर्न रोक लगाएको छ । सङ्खुवासभामा निमार्णाधीन नौ सय मेगावाट क्षमताको अरुण तेस्रो जलविद्युत् आयोजनाको प्रवेश मार्गमा आन्दोलन गर्न नपाइने निर्णय उक्त अदालतले गरेको हो । अरुण पीडित सङ्घर्ष समितिविरुद्ध हालेको मुद्दाको सुनुवाइ गर्दै सर्वोच्च अदालतले यस्तो आदेश जारी गरेको हो ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...