कात्तिक २१, २०८०
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
काठमाडाैं | पुस २९, २०८०
पूर्व गृहमन्त्री बालकृष्ण खाँण रिहा भएको दिन एउटै मुद्दामा थुनामा रहेका पूर्व गृहसचिव टेकनारायण पाण्डे सबैले सुन्नेगरी आवाजै निकालेर रोएको पाइएको छ ।
नक्कली भुटानी शरणार्थी प्रकरणमा थुनामा रहेका पाण्डे खाँण छुटेको दिन सबैले सुन्नेगरी ‘ड्वाँड्वाँ’ रोएको केन्द्रीय कारागारका सूचना अधिकारी मित्रलाल लुइँटेलले लोकान्तरसँग बताए ।
‘उहाँ (पाण्डे) बालकृष्ण खाँण छुटेको दिन बेस्सरी चिच्याएर रुनुभएको थियो,’ केन्द्रीय कारागारका सूचना अधिकारी मित्रलाल लुइँटेलले लोकान्तरसँग भने, ‘धुरूधुरू होइन, आवाजै निकालेर रुनुभयो ।’
पूर्व गृहमन्त्री खाँणलाई उच्च अदालत पाटनले मंसिर २८ गते ३० लाख धरौटीमा छाड्न आदेश दिएको थियो । त्यो खबर पाण्डेले जेलका नाइकेमार्फत थाहा पाएका थिए ।
‘उहाँलाई खबर सुनाइदिऊँ भनेर सुनाएको त रुन थाल्नुभयो, हामी त के गर्ने, के नगर्ने अन्योलमा पर्यौं,’ जेलका नाइकेको कुरा उद्धृत गर्दै अर्का एक सुरक्षा अधिकारीले लोकान्तरसँग भने ।
उच्च अदालतको आदेशपछि खाँण सम्पत्ति शुद्धीकरणमा समेत १५ लाख धरौटी बुझाएर छुटेका थिए ।
एकै मुद्दामा थुनामा रहेका खाँण छुटेपछि पाण्डे थप निराश देखिएका छन् । उनको दैनिकी पूजापाठमा बितिरहेको छ । उनलाई भेट्न परिवारका सदस्यबाहेक कोही आउँदैनन् ।
‘पाण्डे सरलाई भेट्न आफन्तहरू, नितान्त घरमा मान्छेभन्दा अरू आउनुभएको छैन,’ सूचना अधिकारी लुइँटेलले लोकान्तरसँग भने ।
टोपबहादुर छोरा छुट्दा खुसी, खाँण छुट्दा निराश
केन्द्रीय कारागारमै रहेका नेकपा एमालेका नेता एवं निलम्बित सांसद टोपबहादुर रायमाझीले पनि पूर्व गृहमन्त्री खाँण छुटेको कुरा कारागारका नाइकेमार्फत सुनेका रहेछन् ।
शुरूमा खाँण छुटेको थाहा पाउँदा केही निराश भएका रायमाझी तत्काल सम्हालिएका रहेछन् ।
‘रायमाझीजी केहीबेर निराश देखिनुभएको थियो, तर केही समयपछि सामान्य अवस्थामा आउनुभयो,’ सूचना अधिकारी लुइँटेलले लोकान्तरसँग भने ।
छोरा सन्दीप रायमाझीको रिहाइको दिन खुशी देखिएका रायमाझीको दैनिकी अन्य समयमा भने सामान्य हिसाबले बितिरहेको छ ।
कारागार स्रोतका अनुसार रायमाझीले सामान्य मेसमै खाना खान्छन् ।
कारागारमा कैदीबन्दी मिलेर मन लागेको खाना बनाएर खान पाउने व्यवस्था पनि छ । तर, रायमाझीले मेसमा नै अन्य कैदीबन्दीसहित सामान्य खाना खाने गरेका छन् ।
‘उहाँ लाइनमा बसी थाल थापेरै खाना खाइरहनुभएको छ,’ कारागार स्रोतले लोकान्तरसँग भन्यो । रायमाझीलाई भेट्न परिवारका सदस्य र केही जनप्रतिनिधि पनि आएका छन् ।
‘उहाँलाई भेट्न केही संघीय सांसद र प्रदेश संसादहरू आउनुभएको छ । त्यसका अलावा पार्टीका तल्लो तहका नेताहरू पनि आउनुहुन्छ,’ सूचना अधिकारी लुइँटेलले भने ।
प्रायः जिल्ला र प्रदेश स्तरका नेता आउने गरेको उनले खुलाए । रायमाझीलाई भेट्न आउनेहरूका लागि छुट्टै ठाउँको व्यवस्था गरिएको छ ।
केन्द्रीय कारागारमा हैकम चलाउन खोजेपछि सानु भण्डारी र केशव दुलाललाई भने नख्खु कारागार स्थानान्तरण गरिएको थियो । उनीहरूले आफूहरू पनि भीआईपी नै भएकाले भेट्ने कक्ष छुट्टै चाहियो भन्दै कारागार व्यवस्थापनसँग माग राखेका थिए ।
सानु भण्डारीले त आम कैदीबन्दीले भेट्ने ठाउँमा आफन्त नभेट्ने भन्दै आएकालाई पनि फर्काएका थिए । त्यसपछि उनीहरूलाई सरुवा गरिएको थियो । नख्खु कारागारमा पनि उनीहरूले आफूहरूलाई छुट्टै व्यवस्था गर्नुपर्ने माग राखेका थिए ।
जिल्ला अदालत काठमाडौंले टोपबहादुर रायमाझी, बालकृष्ण खाँण र टेकनारायण पाण्डेसहित १६ जनालाई पुर्पक्षका लागि कारागार पठाउन आदेश दिएको थियो ।
उच्च अदालत पाटनको आदेशले टोपबहादुरका छोरा सन्दीप रायमाझी, बालकृष्ण खाँण, भुटानी शरणार्थी नेता टेकनाथ रिजाल छुटेका छन् । टोपबहादुर, टेकनारायण लगायत भने अझै पनि कारागारमै छन् ।
नेपाली नागरिकलाई नक्कली भुटानी शरणार्थी बनाएर अमेरिका पठाउने भन्दै करोडौं ठगी गरेको आरोप अभियुक्तहरूमाथि छ । यो मुद्दा जिल्ला अदालत काठमाडौंमा विचाराधीन छ ।
पढ्नुहोस्, यो पनि :
खाँणलाई भेट्न दिन बिराएर पुग्छिन् मञ्जु, आफन्त आउँदा धुरुधुरु रुन्छन् सचिव पाण्डे
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
नेपालमा भएका जनयुद्ध, जनआन्दोलन, मधेश आन्दोलन लगायतका आन्दोलनहरूको मूल आशय एकल जातीय एकात्मक राज्य संरचनालाई पुनर्संरचना गरी बहुलतामा आधारित समावेशी राज्य निर्माण गर्ने रहेको थियो । अर्थात्, जातीय उत्पीडन र आन्त...
एक दिन प्रातः भ्रमणमा गएको बेला कुनै एक सज्जनले सोधे– ‘कागहरू किन स्वतन्त्र हुन्छन् र सुगाहरू किन बन्धनमा पर्छन् थाहा छ ?’ मैले भनेँ– अहँ, थाहा छैन, भन्नुस् न किन त्यस्तो हुन्छ ?’ उत्त...
आगामी वर्ष २०८१/०८२ को बजेट तथा वार्षिक विकास कार्यक्रम प्रस्तुत हुने संवैधानिक समयसीमा एकदमै नजिक छ । अर्थशास्त्री, सर्वसाधारण, राजनैतिक कार्यकर्ता, विकास साझेदार, उद्यमी, लगानीकर्ता र बेतनभोगीहरू आ–आफ्नै ...