गायक पशुपति शर्माको स्वरमा ‘यही हो साथी लोकतन्त्र’ बोलको गीत युट्युबमा सार्वजनिक भएको छ ।

बुधवार सार्वजनिक गीतको भिडियोमा शर्मा स्वयंम प्रस्तुत छन् । 

यसमा सूर्य न्यौपानेको शब्द एवं संगीत छ । महेन्द्र भण्डारी गीतका संगीत संयोजक हुन् ।

लोकतन्त्र, गणतन्त्रदेखि अहिलेका नयाँ दलसम्मका कुरा गीतमा गरिएको छ । 

जुन व्यवस्था आए पनि जनताको अवस्था नफेरिएको कुरा गीतमा समावेश छ । 

एयरपोर्टमा देश छाड्नेको लर्को लाग्ने गरेकोदेखि महँगीले जनताको ढाड सेकेकोलगायतका कुरा समेत गीतमा सुन्न सकिन्छ । 

दुर्गा पौडेलको छायांकन एवं निर्देशन रहेको भिडियोमा नवीन घर्ती मगरको सम्पादन छ ।