बुटवलमा सम्पन्न मणिमुकुन्द कप राष्ट्रिय स्तरको भलिबल प्रतियोगिताको उपाधि त्रिभुवन आर्मी क्लबले चुमेको छ । रूपन्देहीको तिलोत्तमा बिहीबार भएको फाइनलमा गण्डकी प्रदेशलाई ३–० को सोझो सेटमा हराउँदै आर्मीले उपाधि जितेको हो ।  फाइनलमा आर्मीले गण्डकी २५–२१, २५–१८ र २५–२१ को सोझो सेटमा हराउँदै उपाधि जित्यो । 

एपीएफ तेस्रो भयो । अर्को विभागीय टोली नेपाल पुलिस क्लबलाई ३–० को सोझो सेटमा हराउँदै एपीएफले तेस्रो स्थान हासिल गरेको हो । 

एपीएफले २५–२०,२५–२० र २५–१७ को सहज जीत निकालेको थियो । 

प्रतियोगितामा ७ प्रदेश र ३ विभागीय गरी १० टोलीको सहभागिता थियो । प्रतियोगिताको विजेताले २ लाख, दोस्रोले १ लाख ५०, तेस्रोले १ लाख र चौथो टोलीले ५० हजार रुपैयाँ प्राप्त गरेका छन् ।