राजधानीबाट सशस्त्र प्रहरी बलका एक जना डीएसपी  पक्राउ परेका छन् । दुर्व्यवहार आरोपमा डीएसपी तुलसिंह केसीलाई प्रहरीले पक्राउ गरेको हो । 

डीएसपी केसीलाई अहिले प्रहरी वृत्त स्वयम्भुमा राखिएको छ । उनले स्वम्भुस्थित  रेष्टुरेण्टमा महिलालाई दुर्व्यवहार गर्दै गोप्य भिडियो समेत खिचेको आरोप लागेको  जिल्ला प्रहरी परिसर काठमाडौँका एक अधिकृतले जानकारी दिए । 
पोखरा स्थित नम्बर–४ बाहिनी पोखरामा कार्यरत केसीविरुद्ध उजुरी परेपछि प्रहरी वृत्त स्वयम्भुको टोलीले पक्राउ गरेको हो । घटनाबारे अनुसन्धान जारी रहेको छ ।