काठमाडौंमा जिल्लास्तरीय तेक्वान्दो प्रतियोगिता हुने भएको छ । लैनचौर तेक्वान्दो डोजाङको आयोजनामा शनिबारदेखि लैनचौरमै जिल्लास्तरीय तेक्वान्दो प्रतियोगिता हुने भएको हो । 

प्रतियोगिताअन्तर्गत ग्योरोगीमा १८ र पुम्सेमा ८ गरी जम्मा २६ स्पर्धामा प्रतिस्पर्धा हुने आयोजक डोजाङका अध्यक्ष रामबहादुर रजकले जानकारी दिए । 

उनका अनुसार प्रतियोगितामा करिब ४ सय खेलाडीको सहभागिता रहने छ । एकदिने प्रतियोगिताका खेलहरू लैनचौर खेल मैदानमा हुने उनले बताए ।