वेस्ट एसियन फुटबल महासङ्घ (वाफ) महिला च्याम्पियनसिपको उपाधि जोर्डनले जितेको छ । बिहीबार मध्यरात सम्पन्न खेलमा टाइब्रेकरमा नेपाल जोर्डनसँग पराजित भएको छ । 
यसअघि निर्धारित समयमा खेलिएको खेल २–२ को बराबरीमा टुंगिएपछि खेल पेनाल्टी सुटआउटमा पुगेको थियो । तर, जोर्डन ४–३ ले बिजयी भयो । 
साउदी अरबको जेद्दास्थित प्रिन्स अब्दुल्लाह अल फैजल स्पोर्ट्स सिटी रङ्गशालामा खेल भएको थियो । वाफ च्याम्पियनसिपमा नेपालको यो पहिलो सहभागिता हो ।