काठमाडौंमा जारी त्रिदेशीय टी–२० सिरिजको चौथो खेलमा नेदरल्याण्ड्सविरुद्ध नेपालले पहिला फिल्डिङ गर्ने भएको छ । त्रिवि क्रिकेट मैदानमा शनिबार बिहान नेदरल्याण्ड्सले टस जितेर ब्याटिङ रोजेपछि नेपालले पहिला बलिङ गर्ने भएको हो । 

नेपालले टोलीमा एक परिवर्तन गरेको छ । कुशल भुर्तेल आज खेल्दैछन् । अनिल शाह आजको खेलमा बाहिर छन् । नेपालले टोलीमा अन्य कुनै परिवर्तन गरेको छैन ।

शुरूका दुई खेल हारेको नेपाल लगातार दोस्रो जितको खोजीमा छ । फाइनल खेल्ने सम्भावना कायम राख्न पनि नेपालले आज जित्नैपर्ने दबाब छ ।
ब
शुक्रबार नामिबियाविरुद्ध नेपालले रोमाञ्चक जीत दर्ता गरेको थियो ।

नेपाल पहिलो खेलमा नामिबिया र दोस्रोमा नेदरल्याण्ड्स पराजित भएको थियो । सिरिजको पहिलो खेलमा नामिबियासँग नेपाल २० र दोस्रो खेलमा नेदरल्याण्ड्ससँग २ रनले पराजित भएको थियो ।

यसअघि दुई खेल जितेको नेदरल्यान्ड्स ४ अंकसहित तालिकाको शीर्ष स्थानमा छ । नेपाल २ अंकसहित दोस्रो स्थानमा र समान अंक भएको नामिबिया नेट रन रेटका आधारमा तेस्रो स्थानमा छ ।