नेपाली कांग्रेसका प्रवक्ता एवं पूर्वअर्थमन्त्री डा. प्रकाशशरण महतले शिक्षामा गरिएको लगानी खेर नजाने बताएका छन् । 

नुवाकोटको लिखु गाँउपालिका–४ मा रहेको क्षेत्रपाल माध्यमिक विद्यालयको स्वर्ण जयन्ती समारोहलाई सम्बोधन गर्दै उनले यस्तो बताएका हुन् । ​

अभिभावकलाई आफ्ना सन्तति पढाउन कुनै कन्जुस्याइँ नगर्न आग्रह गर्दै उनले विद्यार्थीलाई पनि राज्यले उपलब्ध गराएको सुविधा र परिवारबाट पाएको सहयोगको सही रुपमा सदुपयोग गर्न आग्रह गरे  ।

'शिक्षाको लागि राज्यले सुविधा सम्पन्न भौतिक संरचना, आवश्यक जनशक्ति, शैक्षिक गुणस्तर वृद्धिको लागी सहयोगी माध्यम प्रशस्त उपलब्ध गराएको छ', उनले भने, 'सीपयुक्त शिक्षाको ग्रहणबाट स्वदेशमा नै रोजगारको प्रशस्त सम्भावना छ ।'

देशमा राजनीतिक अस्थिरता भए पनि त्यसलाई अनावश्यक भ्रम फैलाउन खोज्नेहरूसँग सचेत हुनुपर्ने उनले बताए ।

युवा पुस्ताले धैर्यता, इमान्दारिता र सहनशीलता कायम राख्नुपर्ने उनको भनाइ थियो ।