कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
काठमाडाैं | चैत २४, २०८०
‘लोकान्तर राउण्ड अप’मा पाठकवृन्दलाई स्वागत छ । सधैँझैँ आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ–
आगामी वैशाख १५ गते हुने उपनिर्वाचनका लागि शनिवार उम्मेदवारी मनोनयन दर्ता हुँदैछ । यससँगै उपनिर्वाचनका चहलपहल ह्वात्तै बढेको छ ।
इलाम–२ को प्रतिनिधिसभा र बझाङ प्रदेशसभा– १ मा हुने उपनिर्वाचनको लागि आज उम्मेदवारी दर्ता हुन लागेको हो ।
मुख्य निर्वाचन अधिकृतको कार्यालयमा बिहान १० बजेदेखि बेलुका ५ बजेसम्म उम्मेदवारको मनोनयन दर्ताको कार्यक्रम रहेको निर्वाचन आयोगले जनाएको छ ।
उम्मेदवारीमाथि चैत्र २५ गते बिहान १० बजेदेखि दिउँसो ३ बजेसम्म उम्मेदवारको विरोधमा उजुरी दिने समय तोकिएको छ ।
००००
नेकपा माओवादी केन्द्रले इलाम–२ मा वैशाख १५ मा हुन गइरहेको उपनिर्वाचनमा नेकपा एमालेका उम्मेदवारलाई सघाउने औपचारिक निर्णय गरेको छ ।
दुवै पार्टीका जिल्ला संयोजकले शुक्रवार विज्ञप्ति जारी गर्दै पार्टीको केन्द्रले गरेको निर्णयलाई औपचारिकता दिँदै एमालेका उम्मेदवार सुहाङ नेम्वाङलाई मतदान गर्न मतदातासँग अपिल गरेका छन् ।
००००
निर्वाचन आयोगले देशभर १० हजार ८९२ मतदानस्थल तोकेको छ । आयोगको बुधबार र बिहीबार बसेको बैठकले देशभर १० हजार ८९२ मतदानस्थल तोक्ने निर्णय गरेको आयोगका प्रवक्ता शालिग्राम शर्मा पौडेलले जानकारी दिए ।
उनका अनुसार आगामी वैशाख १५ गते हुने उपनिर्वाचन प्रयोजनका लागि इलामको प्रतिनिधि सभा निर्वाचन क्षेत्र नम्बर २ मा ७९ मतदान स्थल र १४९ मतदान केन्द्र तोकिएको छ । यस्तै, बझाङको प्रतिनिधि सभा निर्वाचन क्षेत्र नम्बर १ को प्रदेश सभा निर्वाचन क्षेत्र नम्बर १ मा ७४ मतदान स्थल र ९३ मतदान केन्द्र स्वीकृत भएको उनले जारी गरेको विज्ञप्तिमा उल्लेख छ ।
००००
उपप्रधान एवं गृहमन्त्री रवि लामिछानेले रुसी सेनामा आबद्ध नेपालीको उद्धारका लागि आवश्यक पहल गर्न प्रधानमन्त्रीसँग तत्काल छलफल गर्ने बताएका छन् ।
रुसी सेनामा आबद्ध नेपालीका परिवारसँगको शुक्रबार भएको कुराकानीका क्रममा मन्त्री लामिछानेले समस्याबारे आफू पूर्ण जानकार रहेको भन्दै अन्तर देशीय समन्वय प्रभावकारी नहुँदा समस्या भएको र त्यसबारे प्रधानमन्त्रीसँग तत्काल छलफल गर्ने जानकारी दिए ।
००००
सुदूरपश्चिम प्रदेश प्रमुख नजिर मियाँले नयाँ सरकार गठनका लागि आह्वान गरेका छन् ।
मुख्यमन्त्री कमलबहादुर शाहले बिहीवार साँझ राजीनामा दिएपछि प्रदेश प्रमुखले मियाँले शुक्रवार नयाँ सरकार गठनका लागि वैशाख २ गतेसम्ममा दाबी पेश गर्न आह्वान गरेका हुन् ।
प्रदेश प्रमुखको कार्यालयका प्रवक्ता दीर्घराज भट्टद्वारा हस्ताक्षर गरिएको पत्रमा संविधानको धारा १६८ (२) अनुसार दुई वा दुईभन्दा बढी दलको बहुमत प्राप्त गर्न सक्ने प्रदेशसभा सदस्यलाई वैशाख २ गते बेलुकी ५ बजेसम्म मुख्यमन्त्रीको दाबी पेश गर्न भनिएको छ ।
००००
क्रिकेट सन्दीप लामिछानेविरुद्धको मुद्दामा उच्च अदालत पाटनले प्रत्यर्थी (विपक्षी) झिकाउने आदेश गरेको छ ।
न्यायाधीशद्वय नृपध्वज निरौला र कृष्णराम कोइरालाको संयुक्त इजलासले शुक्रवार उक्त आदेश गरेको हो । पाटन उच्च अदालतका प्रवक्ता तीर्थराज भट्टराईका अनुसार वैशाख ३ गतेका लागि पेशी तोकिएको हो ।
००००
जिल्ला प्रशासन कार्यालय सुनसरीले विभिन्न ५ स्थानीय तहमा कफ्र्यु आदेश जारी गरेको छ ।
कामू प्रमुख जिल्ला अधिकारी वेदराज फुयलद्वारा जारी सूचनामा इनरुवा नगरपालिका, हरिनगर, देवानगन्ज, झोक्राहा नरसिंह र कोशी गाउँपालिकामा शुक्रबार अपरान्ह ५ बजेदेखि लागू हुने गरी कफ्र्यु आदेश जारी भएको जनाइएको छ ।
००००
नेपाल विद्यार्थी संघको १२ औं महाधिवेशन आगामी वर्षको पुस मसान्तभित्र हुने भएको छ । संघको केन्द्रीय कमिटीको बैठकले आगामी वर्षको पुसमा महाधिवेशन गर्ने निर्णय गरेको हो ।
नेविसंघका अध्यक्ष दुजाङ शेर्पाको अध्यक्षतामा बसेको बैठकले महाधिवेशनको मिति भने माउ पार्टी कांग्रेससँगको समन्वयमा तोक्ने निर्णय गरेको छ ।
००००
लुम्बिनी प्रदेशको मुख्यमन्त्रीमा नेकपा माओवादी केन्द्र संसदीय दलका नेता जोखबहादुर महरा नियुक्त भएका छन् । लुम्बिनी प्रदेश प्रमुख अमिक शेरचनले महरालाई शुक्रवार मुख्यमन्त्रीमा नियुक्त गरेका हुन् ।
महरा रोल्पाबाट निर्वाचित महरा लुम्बिनी प्रदेशका पाँचौं मुख्यमन्त्री बनेका छन् ।
००००
नेकपा एमालेका अध्यक्ष केपी शर्मा ओलीले राष्ट्रको एकतामाथि धावा बोल्ने प्रवृत्ति हावी भएको र देश असफल बन्ने अवस्था देखिएपछि कांग्रेस–माओवादीको गठबन्धन तोड्नु परेको बताएका छन् ।
नयाँ बनेको समीकरण सफलतापूर्वक अगाडि बढिरहेको उनले बताए ।
००००
राष्ट्रपति रामचन्द्र पौडेलले वर्तमान संविधान र संघीय लोकतान्त्रिक गणतन्त्रलाई बचाउन आफू निष्ठापूर्वक लागिरहने स्पष्ट पारेका छन् ।
जनज्योति क्याम्पस भीमाद तनहुँको १६औं वार्षिकोत्सव तथा नवनिर्मित भवन उद्घाटन समारोहलाई शुक्रवार सम्बोधन गर्दै उनले यस्तो बताएका हुन् ।
००००
काठमाडौं महानगरपालिकाले आफ्नो मातहतका विद्यालयलाई शैक्षिक सत्र २०८१ का लागि पाठ्यपुस्तक, पोशाक तथा स्टेशनरी विद्यालयबाटै किन्न बाध्य बनाए कारबाही गर्ने चेतावनी दिएको छ ।
कामपा शिक्षा विभागले सामुदायिक र संस्थागत दुवै विद्यालयलाई परिपत्र गर्दै चेतावनी दिएको हो ।
००००
नेपाली बजारमा सुनको मूल्य प्रतितोला १ हजार ३ सय रुपैयाँले घटेको छ । लगातार उकालो लागेको सुनको मूल्यमा शुक्रबार भने गिरावट देखिएको हो ।
नेपाल सुनचाँदी व्यवसायी महासङ्घका अनुसार शुक्रबार छापावाला सुनको मूल्य प्रतितोला रु एक लाख ३२ हजार सात सय निर्धारण भएको छ । बिहीवार छापावाला सुन प्रतितोला रु एक लाख ३४ हजारमा कारोबार भएको थियो ।
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...