देशका विभिन्न स्थानमा तीन जना मृत अवस्थामा फेला परेका छन् । प्रहरी प्रधान कार्यालयका अनुसार काभ्रेको धुलिखेल नगरपालिका-३ बाँसघारी बस्ने ४२ वर्षीय राज कुमार न्यौपाने सोही नगरपालिका-७ स्थित बेईनिङ प्लानको जंगलमा शुक्रबार मृत अवस्थामा फेला परेका छन् । 

    यसैगरी धादिङको धुनिवेशी नगरपालिका-८ खानिखोलास्थित सडक छेउमा अन्दाजी ४५ वर्षीय पुरूष शुक्रबार मृत अवस्थामा फेला परेका छन् । 

   काठमाडौं बालाजुस्थित गंगा हल नजिक बाटोको पेटीमा पनि अन्दाजी २९ वर्षीय पुरूष  शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको कार्यालयले जनाएको छ ।