नेपालविरुद्धको दोस्रो टी–२० खेलमा वेस्टइन्डिज ‘ए’ले टस जितेर पहिले ब्याटिङ रोजेको छ । 

कीर्तिपुरस्थित मैदानमा हुने खेलमा वेस्टइन्डिजले ब्याटिङ रोजेपछि शनिबारजस्तै आज पनि नेपाल पहिले फिल्डिङमा उत्रिने भएको हो । 

शनिबार टस जितेर पहिले फिल्डिङ रोज्दा नेपाल ४ विकेटले विजयी भएको थियो । 

२०५ रनको लक्ष्य नेपालले २ बलअगावै भेट्टाएको थियो । 

नेपाललाई महत्त्वपूर्ण जीत दिलाउन कप्तान रोहित पौडेलले ११२ रनको शतकीय इनिङ खेलेका थिए । 

टी–२० विश्वकपको तयारीका लागि वेस्टइन्डिजको ए टीम ५ खेलको शृंखलाका लागि नेपाल भ्रमणमा आएको हो ।