पूर्वसभामुख ढुङ्गाना भक्तपुरबाट चुनाव लड्दै, महेश बस्नेतसँग प्रतिष्पर्धा

काठमाडौं १६ कात्तिक– झण्डै दुई दशकपछि पूर्व सभामुख दमननाथ ढुङ्गाना फेरि सक्रिय राजनीतिमा फर्किएका छन् । नेपाली कांग्रेसले उनलाई भक्तपुर २ बाट उम्मेदवार बनाएको छ । सो क्षेत्रमा वामपन्थी गठबन्धनबाट एमालेका महेश बस्नेत चुनावी मैदानमा छन् ।

०४८ सालको प्रतिनिधि सभा निर्वाचनमा काठमाडौं २ बाट विजयी भएपछि प्रतिनिधि सभाको सभामुख बनेका थिए । २०५१ सालको निर्वाचनमा पराजीत भएपछि उनी सक्रिय राजनीमिा थिएनन् ।

मनमोहन भट्टराई, कविर राणा तरुण दलका पूर्वअध्यक्ष लगायत आकाक्षी रहेपनि कांग्रेसले ढुङ्गानालाई टिकट दिएको हो ।

पहिलो संविधानसभा निर्वाचनमा भक्तपुरका दुवै क्षेत्र नेमकिपाले जितेको थियो । दोस्रो संविधानसभा निर्वाचनमा नेपाली कांग्रेसका रामहरि ढुङ्गेल २१ हजार विजयी भएका थिए ।

दोस्रोमा नेमकिपाका सुनील प्रजापतिले १७ हजार ४ सय ११ मत प्राप्त गरेका थिए ।
एमालेका महेश बस्नेत तेस्रो स्थानमा थिए । माओवादीसंगको चुनावी तालमेलका कारण बस्नेत भक्तपुरमा बलियो उम्मेदवार मानिएका छन् । गत स्थानीय तहको निर्वाचनमा एमालेले मध्यपुर ठिमी र सूर्यविनायक नगरपालिकामा विजयी भएको थियो ।

---

---