हिमालयन बैंकका दुई शाखा स्थानान्तरण

हिमालयन बैंक लिमिटेडले सिभिल बैंकलाई प्राप्ति गरेपछि नजिक भएका शाखा सञ्जालमध्ये त्रिपुरेश्वर शाखालाई स्थानान्तरण गरेको छ । उक्त शाखालाई काठमाडौं महानगरपालिका वडा नं ११ स्थित थापाथलीमा स्थानान्तरण गरिएको हो ।

आइतबारदेखि थापाथली शाखाको नामबाट सम्पूर्ण बैंकिङ्क सेवा प्रदान गर्ने गरी सञ्चालनमा ल्याइएको बैंकले विज्ञप्ति जारी गर्दै जनाएको छ । 

उक्त शाखाको उद्घाटन बैंकका प्रमुख कार्यकारी अधिकृत अशोकशमशेर राणाले बैंकका अन्य कर्मचारीहरूको उपस्थितिमा गरेका हुन् ।

यसैगरी, बैंकले नारायणगढ शाखालाई पनि स्थानान्तरण गरेको छ । ‘उक्त शाखालाई भरतपुर महानगरपालिका वडा नं १ मेन रोड नारायणगढबाट आइतबारदेखि मेन रोड शाखा, नारायणगढको नामबाट सम्पूर्ण बैंकिङ्क सेवा प्रदान गर्ने गरी सञ्चालनमा ल्याइएको छ,’ विज्ञप्तिमा भनिएको छ । 

हाल बैंकले नेपालभरी फैलिएका १७४ शाखा, २० विस्तारित काउन्टर, २६४ एटीएम, ६ हजार ५०० भन्दा बढी पीओएस टर्मिनल्स र १७ हजारभन्दा बढी विप्रेषण भुक्तानी केन्द्रहरूबाट आफ्ना ग्राहकलाई विभिन्न  बैंकिङ्क सेवा प्रदान गर्दै आएको प्रेस तथा जन सम्पर्क अधिकृत शीतल कोइरालाले जानकारी दिए ।