चैत ३०, २०८०
लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...
काठमाडौँ, २० माघ -कवि तथा निबन्ध लेखनमा सक्रिय पोखरेली स्रष्टा सरस्वती प्रतीक्षा आख्यानकारका रुपमा आउनुभएको छ ।
वादी महिलाको कथामा लेखिएको उपन्यास ‘नथिया’ मार्फत कवयित्री प्रतीक्षा उपन्यासकारका रुपमा प्रस्तुत हुनुभएको हो । आज यहाँ आयोजित कार्यक्रममा उपन्यास नथियाको वादी मुक्ति आन्दोलनकी अगुवा तथा प्रदेशसभाका सांसद उमा वादीले सार्वजनिक गर्नुभयो ।
दाङको पश्चिम उत्तर क्षेत्रमा अपहेलित रुपमा रहँदै आएका वादी महिलाको कथालाई उपन्यासमार्फत प्रस्तुत गरेको जानकारी दिँदै उपन्यासकार प्रतीक्षाले आफूले धेरैको नजर नपरेको विषयलाई प्रस्तुत गरेको उल्लेख गर्नुभयो ।
“विसं २०३६ देखि २०४६ सालसम्मको वादी महिलाको कथालाई प्रस्तुत गर्नु सहज थिएन । मैले दुस्साहस गरेकी हुँ, ९५ प्रतिशत सत्य घटना समेट्ने प्रयास गरेको छु”, सार्वजनिकीकरण समारोहमा उहाँले भन्नुभयो ।
गणतन्त्रको घोषणापछि आफ्ना माग पूरा गराउन सिंहदरबारमा भित्री बस्त्रमात्रै लगाएर प्रदर्शनमा उत्रिएका वादी महिलाले आफूलाई उपन्यास लेख्ने प्रेरणा दिएको उपन्यकार प्रतीक्षाको भनाइ थियो ।
“मलाई १० वर्ष लाग्यो उपन्यास सकाउन । समाजले उनीहरुलाई हेर्ने नजर देख्दा म धेरैपटक रोएँ, धेरैपटक मलाई पनि पीडा दियो, वादी महिलाको दुःख देख्दा”, उपन्यासकार प्रतीक्षाले भन्नुभयो, “मेरो विश्वविद्यालय पढ्दादेखिको सपना पूरा गरेको छु ।”
उपन्यासमाथि टिप्पणी गर्दै पत्रकार नारायण वाग्लेले सरल भाषामा यथार्थलाई प्रस्तुत गरिएको कृति समकालीन आख्यानमध्ये उत्कृष्ट रहेको बताउनुभयो ।
पुरुषले महिलामाथि गरेका शोषण र ज्यादतिलाई औपन्यासिक रुप दिएर ज्यादतिविरुद्ध बोल्ने साहस उपन्यासले गरेको भन्दै उहाँले उपन्यास उपन्यासभन्दा पनि कवितात्मक रहेको उल्लेख गर्नुभयो ।
राष्ट्रिय सूचना आयोगका आयुक्त यशोदा तिम्सिनाले वादी महिलाको आँसु, कथित ठूलाबडाको ज्यादतिलाई सशक्त रुपमा प्रस्तुत गर्न उपन्यास फिल भएको बताउनुभयो ।
यथार्थ विषय लेख्ने हिम्मत थोरैले मात्रै गर्ने भएकाले वादी महिलाको कथालाई सरल र सहज रुपमा प्रस्तुत गरेको टिप्पणी गर्दै तिम्सिनाले भन्नुभयो, “कमजोर मुटु भएकालाई उपन्यास सहजै पढ्न नसक्ने छ ।”
प्रमुख अतिथि रहुनुभएकी वादी आन्दोलनकी अगुवा उमा वादीले आफ्नो समुदायको अवस्था, पीडित महिलाको कथामा उपन्यास लेखेर ठूलो गुन लगाएको बताउनुभयो । उहाँले भन्नुभयो, “नथिया वादी समुदायका लागि गीता, महाभारत जस्तै श्रद्धाको पुस्तक बनेको छ ।”
बुक हिलले उक्त उपन्यास प्रकाशन गरेको हो । प्रकाशक संस्थाका प्रमुख भूपेन्द्र खड्काले आफ्नो प्रकाशनले प्रकाशन गरेका २५ वटा पुस्तकमध्ये नथिया सर्वोत्कृष्ट रहेको बताउनुभयो ।
चलचित्रमा नथिया
पुस्तक सार्वजनिकीकरण समारोहमा निर्देशक दीपेन्द्र के खनालले नथियामाथि चलचित्र बनाउने घोषणा गर्नुभयो । आफूलाई उपन्यासले प्रभावित पारेकाले त्यसैमाथि चलचित्र बनाउने सोच आएको निर्देशक खनालको भनाइ थियो । डिएस डिजिटल र भूपेन्द्र खड्का प्रोडक्सनले निर्माण गर्ने उक्त चलचित्रको प्राविधिक तयारीसमेत शुरु भएको छ ।
पुस्तकमाथि बनेका चलचित्र व्यावसायिक रुपमा सफल हुन नसके पनि नथिया त्यसभन्दा बिल्कुल फरक हुने निर्देशक खनालको भनाइ थियो । उहाँले यसअघिका पशुपतिप्रसाद, धनपति, भिजिलान्ते, चपली हाइटजस्ता चलचित्र निर्माण गरिसक्नुभएको छ ।
नेपाली चलचित्र उद्योगमा फरक धारका चलचित्र बनाउँदै आउनुभएका खनालले नथियालाई आफ्नो ‘ड्रिम प्रोजेक्ट’का रुपमा चित्रण गर्नुभयो । रासस
लोकान्तर डट्कमका स्तम्भकार कमल रिजालसहित २२ जना साहित्यकार तथा प्रतिभालाई नइ पुरस्कार प्रदान गरिएको छ । गोरखापत्रका पूर्वप्रधान सम्पादकसमेत रहेका साहित्यकार रिजाललाई संस्कृतिमा प्राज्ञिक योगदानका लागि ’नइ...
सानीमा भेट्न चितवन गएको थियो गोपाल चार दिन हिँडेर । राप्ती किनार नजिकको सानो गाउँमा बस्दै आएकी थिइन् उनी, जो पहाडमा खान लाउन नपुगेपछि केही वर्ष अघि पुगेकी हुन् त्यतातिर । त्यतिबेला अहिलेजस्तो यातायातको साधन...
असोज तेस्रो साता बिहीबार, बुकीबाट गोठ औल झर्ने दिन । लाहुरेहरू आउनु र बुकीबाट गोठालाहरूको हुल गाउँमा झर्नु दशैंको रौनक हो । ‘भोलि साँझ डाँफे चराउन जाने’, सुत्ने बेला गोठमा सल्लाह भयो । घर...
गोपी मैनाली कविहरूले केका लागि कविता लेख्छन् भन्नेमा मत्यैक्यता पाइँदैन । कोही आनन्दका लागि भन्छन्, त कोही उपयोगिताका लागि । अझ कोही त अभिव्यञ्जनाको अर्को उद्देश्य नै हुँदैन भन्ने गर्छन् । ...
पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...
गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...
२०६२ सालपछिको कुरा हो, अख्तियार दुरूपयोग अनुसन्धान आयोगका एकजना उपसचिव र एकजना शाखा अधिकृत कम्पनी रजिष्ट्रारको कार्यालयमा सरुवा भएर गए । यति मात्र होइन, राष्ट्रिय सतर्कता केन्द्रका एक उपसचिव पनि सोही कार्यालयमा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...