माघ १, २०८०
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
नेपाली सेनाको तर्फबाट जङ्गी अड्डाले बुधवार प्रकाशित गरेको जानकारी अनुसार, नेपाली सेना र संयुक्त राज्य अमेरिकाको हिन्द-प्रशान्त महासागर इलाकाको लागि तैनाथ सैनिक कमान्डको गुप्तचर निर्देशनालयद्वारा संयुक्त रूपमा आयोजित तीनदिने सम्मेलन भर्खरै समाप्त भएको छ । यसमा अमेरिका, बेलायत, फ्रान्स,क्यानाडा र जापान समेतका २३ मुलुकका सैनिक गुप्तचर निकायका अधिकृतहरू सामेल भएका थिए । यसप्रकारका भेलामा हुने प्रस्तुति र अनुभवको आदानप्रदानले गुप्तचर समुदायका सदस्यहरूको क्षमता अभिवृद्धि हुने नेपाली सेनाको कथन निर्विवाद छ । तर उपलब्धि यत्तिमै सीमित हुने होइन ।
अन्तर्राष्ट्रिय स्तरका यस्ता भेटघाट तथा परामर्श ‘वर्तमान र भविष्यमा हुनसक्ने रणनीतिक सुरक्षा चुनौती समाधानको लागि’ उपयोगी हुने अवधारणा एवं मान्यतासित नेपाली सेनाको सहमति रहेको देखिन्छ । सुरक्षाको विषय दिनानुदिन संवेदनशील र जटिल हुँदै गएको परिप्रेक्ष्यमा परामर्शको यस्तो सिलसिलालाई समयोचित नै मान्नुपर्छ ।
सन् २००७ मा मलेसियाबाट आरम्भ भएको यसप्रकारको सम्मेलन एसिया-प्रशान्त क्षेत्रका देशहरूमा आलोपालो गरी आयोजना हुँदै आएको रहेछ, र सन् २०१९ मा फिलिपिन्समा यस्तो पेशागत महत्त्वको जमघट हुने तय भएको देखिन्छ । अर्को शब्दमा, सुरक्षा विषयक यस्तो सम्मेलन सर्वथा नौलो पहल होइन यद्यपि नेपालको लागि भने यो पहिलो अनुभव हो । यसमा समय-समयमा बाहिरबाट यसप्रकारका सम्मेलनको प्रस्ताव आउँदा नेपाली सेनाले रक्षा मन्त्रालयमार्फत सरकारसित समन्वय गरी नेपाल प्रहरी, सशस्त्र प्रहरी र राष्ट्रिय अनुसन्धान विभागका अधिकृतहरूलाई पनि सामेल गराई मुलुकको लागि अधिकतम लाभ हुने हिसाबले कार्य-योजना अघि सार्नु बुद्धिमानी हुनेछ किनभने आवश्यकता पर्दा गठन हुने ‘सुरक्षा फौज’ मा यी सबै अङ्गको सहभागिता रहने गर्छ जसको अनुभव माओवादी विद्रोहको सामना गर्दा भैसकेको छ ।
सत्तारूढ नेपाल कम्युनिष्ट पार्टी (नेकपा) का नेता तथा संसद्मा त्यस दलका प्रमुख सचेतक देवप्रसाद गुरुङले बुधवार नै संसद्मा यस्तो सम्मेलनको आयोजना नेपालमा गर्नु उपयुक्त हुँदैन कि भन्ने तर्क दिएको पाइयो । ‘यसप्रकारका कार्यक्रम ...परराष्ट्रनीति अनुकूल हुन्छन् हुँदैनन् सरकारको ध्यान जाओस्’ भन्ने गुरुङको कथन रहेछ । उहाँकै दलले दुईतिहाईको बहुमतको आधारमा सरकारको सञ्चालन गरिरहेको हुनाले यस्तो प्रश्न वा सन्देह सार्वजनिक ढङ्गले प्रकट गरिनु नपर्ने हो । दलको नेतृत्व तहमै विचार-विमर्श हुनसक्ने कुरा हो ।
जग-जाहेर छ, नेपाल सभा सम्मेलनहरूको आयोजनाको लागि उपयुक्त थलो हो । हिमाली श्रृङ्खला समेतको प्राकृतिक सौन्दर्यबाट एकातिर पर्यटक मोहित हुन्छन् भने तटस्थ परराष्ट्रनीति भएको देश भनेर चिनिएको हुनाले आपसी द्वन्द्वमा अल्झेका पक्षहरूले पनि सम्झौता-वार्ताको लागि नेपाललाई सुहाउँदो स्थान मान्दै आएका छन् । इण्डिया र पाकिस्तानबीचको तनाउको मुख्य कारण रहिआएको काश्मीरकै बारेमा समेत नेपालमा बैठक भएको छ । दिल्लीको संसद् भवनबाहिरको घटना भएको तीन वर्षपछि अर्थात् सन् २००४ को डिसेम्बरमा काठमाडौं इण्डिया र पाकिस्तान दुवैको वार्तास्थल भएको थियो ।
अन्तर्राष्ट्रिय स्तरका कार्यक्रमहरूका लागि रोजेको सम्मेलनस्थल हुने नेपालको लोभलाग्दो क्षमतालाई कम आँकेर आफ्नै अवमूल्यन गर्ने मूर्खता प्रदर्शन नगर्ने कि ?
काकाकुल काठमाडौंको सपना र विकासको विद्रूप नमूना बनेको मेलम्ची खानेपानी आयोजना फेरि एकपटक उद्घाटन गरिएको छ । सिंहदरबारस्थित प्रधानमन्त्री कार्यालयमा बनाइएको धारो खोलेर प्रधानमन्त्री पुष्पकमल दाहाल ‘प्रच...
संयुक्त राष्ट्रसंघका महासचिव एन्टिनियो गोटरेसको भ्रमणका बेला नेपालको शान्ति प्रक्रिया फेरि एकपटक अन्तर्राष्ट्रिय समुदायमाझ चर्चाको विषय बनेको छ । नेपालको शान्ति प्रक्रियाको शुरूआती चरणमा राष्ट्र संघले सहजीक...
कर्मचारीलाई तलब खुवाउन समेत हम्मेहम्मे पर्नेगरी देशको अर्थतन्त्र जर्जर अवस्थामा चलिरहेको छ । कोरोना महामारी र युक्रेन युद्धबाट सिर्जित समस्याका कारण अर्थतन्त्र लामो समयदेखि शिथिल छ । बजार चलायमान बन्न सकेको छ...
काठमाडौं जिल्ला अदालतको एक आदेशका कारण बाँसबारी छालाजुत्ता कारखानाको सरकारी जग्गा घोटाला प्रकरणको अनुसन्धान यत्तिकै रोकिने हो कि भन्ने चिन्ता बढेको छ । जग्गा हिनामिनाबारे नेपाल प्रहरीको केन्द्रीय अनुसन्धान ब्...
संघीयताप्रति नै वितृष्णा जगाउने गरी कोशी प्रदेशसभामा भइरहेको संविधानको खेलबाडमाथि सर्वोच्चले रोक लगाइदिएको छ । मुख्यमन्त्रीका रूपमा कांग्रेस संसदीय दलका नेता उद्धव थापाले प्रदेश सभामा लिएको विश्वासको मतसम्बन्...
जाजरकोटलाई केन्द्रबिन्दु बनाएर शुक्रवार मध्यरातमा गएको भूकम्पले कर्णाली प्रदेशका जिल्लामा धनजनको ठूलो क्षति पुर्यायो । आइतवार बिहानसम्म १ सय ५७ जनाको मृत्यु भएको छ भने सयौं घाइते भएका छन् । सयौंको संख्याम...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...