बैशाख १८, २०८१
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
काठमाडौं– काठमाडौं उपत्यकाका तीनवटै जिल्लालाई जोड्ने गरी निर्माण गर्ने भनिएको बाहिरी चक्रपथ आयोजनाको काम पहिलो चरणको जग्गा प्राप्तिमै अलमलिएको छ ।
बाहिरी चक्रपथको चोभार–सतुंगल सडक खण्डको विस्तृत परियोजना प्रतिवदेन (डीपीआर) तयार भएर मन्त्रिपरिषद्बाट स्वीकृत समेत भइसकेको छ । तर जग्गा प्राप्तिका लागि मन्त्रिपरिषद्ले निर्णय नगरिदिँदा काम शुरू हुन सकेको छैन ।
काठमाडौं उपत्यका विकास प्राधिकरणले जग्गा प्राप्तिका लागि निर्णय गरिदिन शहरी विकास मन्त्रालयमा गत असारमा पत्र पठाएको थियो । तर मन्त्रालयले जग्गाका लागि आवश्यक प्रक्रिया पूरा नगरिदिँदा बाहिरी चक्रपथ निर्माणको काम अल्मलिएको प्राधिकरणले जानकारी दिएको छ ।
शहरी विकास मन्त्रालयले प्रक्रिया पुर्याएर मन्त्रिपरिषद्मा प्रस्ताव गर्नुपर्ने र मन्त्रिपरिषद्ले जग्गा प्राप्तिका लागि स्पष्ट निर्णय गरेपछि मात्रै जग्गा प्राप्तिको प्रक्रिया अगाडि बढ्ने प्राधिकरणले जनाएको हो ।
उपत्यका विकास प्राधिकरण अन्तर्गत बाहिरी चक्रपथ निर्माण आयोजनाका प्रमुख दिलिप भण्डारीले जग्गा प्राप्तिका लागि मन्त्रिपरिषद्ले गत असारमा निर्णय गरेको तर, उक्त निर्णय पूर्ण नभएपछि काम रोकिएको बताए ।
मन्त्रिपरिषद्ले ‘जग्गा प्राप्ति ऐनअनुसार जग्गा प्राप्ति गर्नुपर्ने’ निर्णय गरेको तर निर्णयमा ‘जग्गा प्राप्ति ऐन, २०३४’ अनुसार उल्लेख नभएकाले जिल्ला प्रशासन कार्यालयले जग्गा प्राप्तिका लागि सूचना जारी नगरेको भण्डारीले बताए ।
‘मन्त्रिपरिषद्ले जग्गा प्राप्ति ऐनअनुसार जग्गा प्रािप्त गर्नु भनेर निर्णयमा उल्लेख गरेको रहेछ,’ भण्डारीले लोकान्तरसँग भने, ‘जग्गा प्राप्ति ऐन, २०३४ अनुसार जग्गा प्राप्ति गर्नु भनेर निर्णयमा उल्लेख नभएकाले जिल्ला प्रशासन कार्यालयले जग्गा प्राप्तिका लागि सूचना जारी गर्न मानेन ।’
अब उक्त काम अगाडी बढाउनका लागि मन्त्रिपरिषद्ले जग्गा प्राप्ति ऐन, २०३४ अनुसार जग्गा प्राप्ति गर्नु भनेर निर्णय गरेपछि मात्रै काठमाडौं जिल्ला प्रशासन कार्यालयले जग्गा प्राप्तिका लागि सूचना जारी गर्ने आयोजना प्रमुख भण्डारीको भनाइ छ ।
पहिलो चरणमा चोभार–सतुंगल खण्डको ६ दशमलव ६ किलोमिटर सडक निर्माणका लागि डीपीआर मन्त्री परिषद्बाट नै स्वीकृत भएको थियो । उक्त खण्डको डीपीआर स्वीकृत भएपनि जग्गा अधिग्रहणमा समस्या रहेको भण्डारीले बताए । ‘चोभार–सतुंगल खण्डको डीपीआर स्वीकृत भइसकेको छ,’ उनले भने, ‘जग्गा अधिग्रहणका लागि फाइल मन्त्रालयमा पठाएका थियौं । फिर्ता आएको छैन ।’
जग्गा अधिग्रहणका लागि मन्त्रालयमा पठाइएको फाइल शहरी विकास मन्त्रीले मन्त्रिपरिषद्मा पेश गर्ने र विकास प्राधिकरण फिर्ता पठाएपछि मात्रै जिल्ला प्रशसनले सूचना निकाल्ने छ ।
उक्त सडक खण्डको डीपीआर २०६५ सालमा भएको थियो । नेपालकै फूलब्राइट कन्सल्टेन्टले डीपीआर तयार पारेको थियो ।
कुल ६६ किलोमिटर लम्बाई रहेको बाहिरी चक्रपथको १० खण्डमा काम गर्ने योजना अनुसार सडक निर्माणका लागि खण्ड छुट्याइएको छ । आयोजनाका अनुसार आठ खण्डमा डीपीआर तयार भइसक्दा पनि अन्य दुई खण्डमा डीपीआर भएको छैन ।
आयोजनाका अनुसार भाँतेढिकुरो–अरनिको राजमार्ग–नयाँ ठिमी खण्डको ५ दशमलव ६ किलोमिटर सडकको डीपीआर हुन बाँकी रहेको छ । उक्त खण्डमा अरनिको राजमार्गसँग ओभरल्याप हुने भएकाले डीपीआर गर्नु पर्ने आवश्यकता नरहेको उपत्यका विकास प्राधिकरणका अधिकारीहरूले बताएका छन् ।
त्यस्तै खड्का भद्रकालीदेखि सनडोल खण्डको ६ दशमलव ५ किलोमिटर लम्बाइको सडकखण्ड पनि डीपीआर गर्न बाँकी रहेको छ ।
आयोजनाका अनुसार डीपीआर तयार भएका सबै खण्डमा नेपाली कम्पनीले नै डीपीआर तयार गरेको हो । चोभार सतुंगल सडक खण्डबाहेक अन्यको डीपीआर स्वीकृत नभएको प्राधिकरणले जानकारी दिएको छ ।
आर्थिक वर्ष २०५५/०५६ मै १० वर्षभित्र सडक सञ्चालनमा ल्याउने योजनासहित उक्त सडक खण्डको प्रारम्भिक अध्ययन गरिएको थियो ।
त्यतिबेला बाहिरी चक्रपथको कुल लम्बाई ७२ किलोमिटर रहने बताइएको थियो ।
प्रत्येक वर्ष वैशाख शुक्ल पूर्णिमा दिन मनाइँने बुद्धजयन्ती एवं लुम्बिनी दिवसको तयारी शुरू भएको छ । संस्कृति, पर्यटन तथा नागरिक उडड्यन मन्त्रालयअन्तर्गत रहेको लुम्बिनी विकास कोषले बुद्धजयन्ती एवं लुम्बिनी दिवसका रुपमा...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
काठमाडौंको चण्डोल घर भएका कामोद ढुंगाना २०८० असार ३१ गते वुलिङ एयरको विद्युतीय गाडी (ईभी) किन्न नयाँ बानेश्वरस्थित बज्र ग्रुपको इभी-नेपाल मोटर्स प्रालि पुगेका थिए । अंकित मूल्य (एमआरपी) ३० लाख ९९ हजार रुप...
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
महिला, बालबालिका तथा ज्येष्ठ नागरिकमन्त्री भगवती चौधरीले ढुक्क भएर लगानी गर्न आग्रह गरेकी छिन् । आजदेखि शुरू भएको लगानी सम्मेलन २०२४ का अवसरमा सञ्चारकर्मीसँग कुराकानी गर्दै उनले यस्तो बताएकी हुन् । ...
सृष्टिमा हरेक चीजको एउटा अति हुन्छ, जसलाई हामी सीमा भन्ने गर्छौँ, जलाई उसले आउँदा सँगै लिएर आएको हुन्छ र जेजति गर्छ यसैभित्रै रहेर गर्छ । अति पार गर्नासाथ उसको अस्तित्व पनि समाप्त हुन पुग्छ । अति पार गरेपछि नदी...
नेपाली कम्युनिस्ट आन्दोलन कतिपटक विभाजन भयो ? पुनः एकता, मोर्चा गठन, विघटनलाई हेर्दा यसको जोडघटाउको लामै शृङ्खला बन्छ । र, त्यसमा मूलधारको राजनीतिबाट विभाजित कम्युनिस्ट पार्टी अर्थात् वामपन्थी पार्टीहरूको विसर्...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...