भक्तपुर–१ को प्रदेशसभाको उपचुनावमा काँग्रेस अग्रस्थानमा रहेको छ । बिहान सात बजेसम्मको मतगणनामा काँग्रेसका उम्मेदवार कृष्णलाल भँडेलले  ८ हजार १०१ मत  प्राप्त गरेका छन् ।  ।

उनका निकटतम प्रतिद्वन्दी सत्तारुढ नेपाल कम्युनिष्ट पार्टी (नेकपा)का देवीप्रसाद ढकाल (डीपी)ले ५ हजार ६३१ मत प्राप्त गरेका छन् ।

यो परिणाम चाँगुनारायण नगरपालिका–१ देखि ५ वडासम्मको मत गनिएको मुख्य निर्वाचन अधिकृतको कार्यालयले जानकारी दिएको छ ।

उपनिर्वाचनमा नेपाल मजदुर किसान पार्टी (नेमकिपा) का निरज लवजूले १ हजार ९५३, राष्ट्रिय प्रजातन्त्र पार्टी (राप्रपा)का श्यामप्रसाद नेपालले २६९, साझा पार्टीका सुरज प्रधानले २३६ मत ल्याएका छन् ।