मंसिर २३, २०८०
चन्द्रकला भण्डारी, झापा– घरेलु हिंसाबाट पीडित महिला न्यायका लागि प्रहरीकहाँ पुग्ने गरे पनि अधिकांश मुद्दा सहमतिमै टुङ्गिने गरेका छन् । झापामा विगत तीन वर्षमा घरेलु हिंसाका ६२२ उजुरी प्रहरी कार्यालयमा दर्त...
रुपन्देहीको तिलोत्तमा नगरपालिकामा पर्ने मणिग्राम चोकबाट चार किलोमिटर पूर्वमा छ– प्रदीपनगर गाउँ । अचेल बाहिरबाट प्रदीपनगर पुग्ने नयाँ व्यक्तिलाई ठेगाना दिँदा भन्ने गरिन्छ– बसवालालाई चिन्तामणि चोकमा झार्न भन्नु, अलमलमा परिँदैन ।
लुम्बिनी बौद्ध सर्किट भएर बुटवल र भैरहवासम्म चल्ने बस चालकहरू चिन्तामणि चोकप्रति जानकार छन् । भलै चोकमा कहीँकतै चिन्तामणि चोक लेखिएको छैन । ’चोकको नामाकरण त देखिँदैन तर सबै जना चिन्तामणि चोक भन्दै झर्ने भएकाले हामीहरू पनि अभ्यस्त भयौं,' सोमवार लोकान्तरकर्मीसँगको भेटमा दुई वर्षदेखि सो रूटमा माइक्रो बस चलाउँदै आएका एक चालक भन्दै थिए ।
प्रदीपनगर चोकले यत्तिकै चिन्तामणि चोकको रुपमा भाका फेरेको होइन । यसमा समाजसेवा, त्याग र समर्पणको ठूलो गाथा जोडिएको छ । चिन्तामणि चालिसे ती हुन्, जसको पर्यायवाची नाम समाजसेवी हो । चालिसेले गरेको समाजसेवा यसरी स्थानीयको मनमनमा बस्यो की उनीहरू स्वतस्फूर्त चालिसेको नामलाई भूगोलसँग जोड्न थाले । हुन पनि चिन्तामणिका समकालीन मात्र होइन नयाँ पुस्तासमेत उनको नामसँग पूरापूर परिचित छ । यसैको परिणाम हो–अमुक ठाउँका बस चालक पनि उनको नामसँग जानकार रहनु ।
७१ वर्षीय चिन्तामणि सयौं जनाका भाग्यविधाता हुन् । जतिबेला मणिग्राम चोकपूर्व बैंक, सहकारीको नामोनिसाना थिएन; त्यत्तिबेला उनी स्थानीयका लागि वित्तीय संस्था बने । रुपैंया–पैसाको रखबारीका लागि स्थानीयले उनलाई नै विश्वास गरे । उनले कसैको एक पैसा पनि तलमाथि नपारीकन स्थानीयको विश्वासलाई टुट्न दिएनन् ।
कोही बिरामी भयो, कसैको विवाह हुन थाल्यो, कसैले पूजापाठ आँटे, कोही विदेश जान थाल्यो, कसैलाई आपत्विपद् पर्यो वा कसैको मृत्यु भयो, स्थानीयमध्ये अधिकांश परिवारका सदस्य उनकै घरमा पुग्थे । 'मेरो बुबाले माग्न आएकोलाई भएसम्म दिनु, कोही पनि आफूसँग हुँदाहुँदै माग्न आउँदैन भन्नुहुन्थ्यो । त्यसैले मैले अरुले राख्नै दिएको पैसा भए पनि माग्न आउनेलाई दिन्थे,̕ चिन्तामणि भन्छन् । उनले पैसा माग्न आउनेसँग कहिल्यै लिखत गरेनन् न त जग्गाजमिन नै बन्धक । विश्वासकै भरमा उनले सयौंलाई सहयोग गरे ।
प्रदीपनगर, दिपनगर, डाँडा, गणेशनगर, मद्रहानी, कुमारी, बेलडाँडा, शिवपुर, चौकीडाँडालगायतका गाउँका कमै जना उनको सहयोगमा विदेश पुगेका होलान् । उनले विनाधितो गरिदिएको लगानीले अहिले सयौं जना आर्थिक रुपमा सक्षम भएका छन् । उनीकहाँबाट पैसा लिएर २० वर्षपछि फर्काउन आउनेहरू पनि छन् । 'सबै कुरा विश्वास हो । मेरो सहयोगले कसैलाई राम्रो हुन्छ भने किन नगर्ने भन्ने मेरो सोंच रहन्थ्यो,̕ उनी भन्छन् । आफन्त, नातागोतामा उनी सबैका मार्गदर्शक हुन् । महत्वपूर्ण विषयमा उनलाई नसोधी कसैले केही गर्ने आँट अहिलेसम्म पनि गर्न सक्दैन ।
चिन्तामणि उर्जाशील समयका व्यापारी हुन् । कुनैबेला मणिग्राम पूर्व टटेरासम्मको नुनतेल, लत्ताकपडा र सञ्चार सम्पर्क (टेलिफोन) को जिम्मा उनकै थियो । अहिलेको जस्तो नगद पैसा कमै व्यक्तिसँग हुन्थ्यो । टिपोटकैं भरमा उनले सबैलाई नुनतेल र लत्ताकपडा दिन्थे । क्रेताहरू सिजनमा धान बेचेको पैसा ल्याएर उधारो तिर्दथे । वारलेस टेलिफोन उनको पसलमा मात्र थियो । विदेश गएका छोराहरू उनकै पसलमा फोन गरेर आफ्नो परिवारसँग सुखदुःख साट्थे ।
उनको पहलमा स्थानीय स्तरमा विद्यालय खुले, बाटाघाटा, पुलपुलेसा, मन्दिर बने । विकास निर्माण र सामाजिक काममा उनी सधैं अग्रसर रहेँ । तर नेतृत्वको लागि कहिल्यैं हानथाप गरेनन् । उनी नेतृत्वमा अरुलाई ल्याउँथे, तर कामचाहीँ आफैं गर्दथे ।
चालिसे परिवार वि. सं. २०३४ सालमा गुल्मीको वामी आँपचौरबाट तराई झरेका हुन् । उनको जन्म २००६ साल कार्तिक १९ गते स्यालपोखरीमा भएको हो । जतिबेलादेखि उनी जान्नेसुन्ने भए त्यतीबेलादेखि नै परिवारको नेतृत्व उनले गरे । बुबा छविलाल र आमा मोतिकला उनलाई पूरै विश्वास गर्दथे । तराई झर्नेबेला उनी जग्गा हेर्न कञ्चनपुर र चितवनसम्म पुगे । तर मन रुपन्देही साविक करहिया गाउँपञ्चायतमैं अडियो । उनी आएसँगै आफन्तहरू पनि उनकैं भरोसामा यहाँ आएका हुन् । 'मामा हामीसबैंका मार्गदर्शक मात्र होइन यो क्षेत्रकैं एउटा उदाहरणीय समाजसेवी हुनुहुन्छ । उहाँले कयौंको दुःखमा मल्हम लगाउनु भएको छ । कयौंको भाग्य कोर्दिनु भएको छ,̕ चालिसेका भान्जा समेत रहेका तिलोत्तमा नगरपालिकाका प्रेस सल्लाहकार बीपी गौतमले लोकान्तरसँगको कुराकानीमा भने, 'उहाँ वास्तवमा समाजसेवाको पर्याय नै हुनुहुन्छ । कसैलाई दुःख पर्दा उहाँले आफूलाई नै दुःख परेको ठान्नुहुन्छ ।'
विद्यालय, मन्दिर, गुठी, यज्ञ–यज्ञादीलगायत सामाजिक क्षेत्रसँग सम्बन्धित देखे/जानेका सबै ठाउँमा उनको सहयोग छ । गुल्मीदेखि रुपन्देहीसम्म सामुदायिक विद्यालयमा उनले सक्दो धेरथोर सहयोग गरेका छन् । उनले गौतमबुद्ध सामुदायिक मुटु अस्पतालदेखि रजहरमा रहेको प्राकृतिक औषधालयमा समेत सहयोग गरेका छन् । सामाजिक कार्यमा सहयोग गर्न पाउँदा उनी आफूलाई सन्तुष्ट भएको महसूस गर्छन् । कक्षा ८ सम्मको औपचारिक शिक्षा हासिल गरेका चालिसे कुनै बेलाका शिक्षक पनि हुन् । उनले ७ वर्ष गुल्मीमा माष्टरी गरे । उनको क्षमता देखेर तत्कालीन प्रधानपञ्चले उनलाई सिधै शिक्षकमा नियुक्त गरेका थिए । शिक्षण पेशा छाडेर उनी व्यवसायमा जोडिए । र, आफ्ना दुई भाईहरू प्रेमनाथ र ढालानन्दलाई पनि व्यापारमै करिअर बनाउने गराए ।
प्रदीपनगरमा उनको लत्ताकपडाको व्यापार सधैं उस्तै रहेन । गाउँठाउँमा पनि सहकारी खुल्न थाले, बैंकका शाखा विस्तार हुँदै गए । विदेशबाट रेमिटान्स झर्न थाल्यो । ल्याण्डलाइन र मोबाइल फोन क्रान्ति, सडक सुगमता, सवारीसाधनको उपलब्धताले गाउँसँग सहर जोडियो । चिन्तामणि पनि व्यापार छाडेर पानी उद्योगसँग जोडिए । तर उनले पानी उद्योगलाई पनि धेरै समय हेरेनन् । अत्यन्त सरल जीवनशैलीका चालिसे जीवनको उत्तराद्र्धमा आइपुग्दा अहिले 'रिटायर्ड लाइफ' बिताउँदैछन् ।
उनले जीवनमा जे गरे सबैको हितको लागि गरे । आफ्नो निहित स्वार्थमा कसैलाई पारेनन् । उनको यही विशेषता, भावनालाई बुझेर स्थानीय सुझबुझ भएका व्यक्तिहरू उनलाई ’मणि को उपमा दिन्छन् । यस्तो महान् विरासत बोकेको चालिसे परिवारमा ’मणि को बिडो थाम्न नयाँ पुस्ता तयार देखिँदैन । आफूलगायत भाईका छोराहरू सबै विदेश मोहमा छन् । उनी अहिले ९० वर्षीय आमा र जीवनसंगिनी दुर्गादेवीसँगै पुर्ख्यौली घरमा छन् । स्थानीय र आफन्त चाहान्छन्– चिन्तामणिको बिडो छोराले थामुन् ताकी सुखदुःख बिसाउने चौतारी सधैं रहिरहोस् ।
चन्द्रकला भण्डारी, झापा– घरेलु हिंसाबाट पीडित महिला न्यायका लागि प्रहरीकहाँ पुग्ने गरे पनि अधिकांश मुद्दा सहमतिमै टुङ्गिने गरेका छन् । झापामा विगत तीन वर्षमा घरेलु हिंसाका ६२२ उजुरी प्रहरी कार्यालयमा दर्त...
केउली थारू र सुदन थारू बुटवल उपमहानगरपालिका–१९ का स्थायी बासिन्दा हुन् । दुई थारू परिवार मोतिपुर र मनोहरापुरमा बसोबास गरेको वर्षौं भइसक्यो । केउली र सुदनको परिवार बुटवलका जमिन्दार स्व भरतसिंह मल्लको ...
रुपन्देहीको एक गौतम परिवारले बुहारीलाई छोरीजस्तै अन्माएर पठाएका छन् । गुल्मीको चन्द्रकोट गाउँपालिका–२ शान्तिपुर घर भई हाल रुपन्देहीको सैनामैनामा बस्दै आएका लक्ष्मीधर गौतमले बुहारीलाई दोस्रो विवाह ...
मुस्लिम समुदायलाई लक्षित गरी सामाजिक सञ्जाल फेसबूकमा लेखिएको ‘स्टाटस’ले बाँकेको नेपालगञ्जमा सम्भावित धार्मिक द्वन्द्वलाई लिएर चिन्ता बढेको छ । मुस्लिम समुदायलाई गाली गरेर सामाजिक सञ्जालमा लेखिएको उक्...
ताप्लेजुङस्थित प्रसिद्ध तीर्थस्थल पाथीभरा मन्दिरमा मङ्गलवार एकै दिन दुई हजार बढी तीर्थयात्री पुगेका छन् । मुलुकका विभिन्न क्षेत्रबाट देवीको पूजा आराधना तथा मन्दिरको दर्शनका लागि एकै दिनमा दुई हजार पाँच सय...
धरानको भानु चौकमा धेरै चहलपहल हुने गर्छ । कोशी प्रदेशका पहाडी जिल्लामा आउने–जाने सवारीसाधन यही चोकमा भेला हुने गर्छन् । चोकमा एउटा बरको रुखमा चौतारो पनि छ । दिन कटाउनका लागि बूढापाकादेखि युवासम्म य...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...