कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
पुस १३, २०७६
चितवनका १९ वर्षीय विनोट रानाभाट कतारमा जेल परे । सेक्सुअल ह्यारास्मेन्ट गरेको रिसको झोकमा एक भारतीय नागरिकलाई टाउकोमा रड प्रहार गरेर हत्या गरेका थिए ।
कतारमा उनलाई मृत्युदण्डको सजाय सुनाइयो । छुटाउनका लागि ८२ लाख नेपाली रूपैयाँ ब्लडमनी तिर्नुपर्ने भएपछि सामाजिक सञ्जालमा उनलाई बचाउन अभियान नै शुरू भयो ।
अभियान निकै तीव्ररूपमा चल्यो । विश्वभर छरिएर रहेका सामाजिक सञ्जाल प्रयोगकर्ता नेपालीले आर्थिक सहयोग संकलन गरे ।
८२ लाख संकलन गर्ने भनेर शुरू भएको अभियान लक्ष्यभन्दा माथि पुग्यो, कुल १ करोड २१ लाख उठ्यो ।
भइदियो के भने विनोद रानाभाट बचाउ अभियानअन्तर्गत फेसबूके अभियान्ताले रकम संकलन गरिरहेका बेला रानाभाटले आममाफी पाए, उनलाई छुटाउन ब्लडमनी तिर्नै नपर्ने भयो । उनी नेपाल फर्किए ।
त्यसपछि उनका लागि भनेर संकलन गरिएको रकम अलपत्र पर्यो । केही रकम त उनीजस्तै पीडितलाई सहयोग गरियो, तर अझै ७९ लाख रुपैयाँ बाँकी छ । त्यो बाँकी रकम के गर्ने भन्नेमा अहिले फेसबूके अभियान्ताहरूबीच ग्याङफाइट नै परेको छ । अभियान्ता अर्जुन भुसालमाथि पैसामा र्याल काडेको आरोप लागेको छ ।
यो कस्तो केस भयो भने केही वर्षअगाडि पैसा कमाउन भन्दै २०१२ मा युएई गएका अनिस खालिङ राई २०१६ मार्चमा जेल चलान भएका थिए । मृत्युदण्ड सुनाइएका अनिशको जीवन बचाउनका लागि विश्वभरबाट करडौं रकम उठ्यो । वैदेशिक रोजगारीको शिलशिलामा २०६८ सालमा दुबईको अवुधावी पुगेका अनिशलाई पाकिस्तानी नागरिक हत्याको अभियोगमा त्यहाँको अदालतले मृत्यृदण्ड सुनाएको थियो ।
ब्लडमनीको आर्थिक अभियान चलिरहँदा अदालतले तोकेको ब्लडमनी चुक्ता भइसकेको पुष्टि भयो । पाकिस्तानीको परिवारलाई ८१ लाख रुपैयाँ ब्लडमनी दिने तयारी थियो, रकम त करोडौं संकलन भएको थियो । अरु कसैले चुक्ता गरिदिएको थाहा भयो । यसको अर्थ हुन्छ, युएई सरकारले नै आममाफी दियो । उनको जीवन रक्षाका लागि विश्वभरीबाट संकलित करोडौं रकम केमा सदुपयोग भयो ? त्यो अन्योल नै छ ।
विनोद रानाभाटको केश पनि दुरुस्तै अनिश खालिङको जस्तै हुन पुगेको छ ।
रानाभाट बचाउ अभियानमा लागेका पत्रकार मनोज भट्टराईले चेतना भया भन्दै लेखेका छन्- विनोद रानाभाट बचाउ अभियानलाई पोर्चुगलबाट उठाएको रकम फिर्ता लिने र जरुरत ठाउँमा वा व्यक्तिलाई दिने निर्णय गरेका छौं, किनभने त्यो उठाएको रकम दुरुपयोग नहोस्, कठालो समातेर फिर्ता गराइन्छ ।
अभियान्ता मध्येकी एक ज्वाला संग्रौलाले आक्रोशित हुँदै भनेका छन्- विनोद रानाभाट भाइलाई हामीले नाम र थर हेरेर सहयोग गरेको हैन । विनोद भाइ समितिका सदस्यहरूमध्ये कसैको छोरा पर्लान्, भाइ पर्लान् भतिज पर्लान्, त्यो आफ्नो ठाउँमा छ, तर हामी अभियान्ता र सहयोगी मनहरूको आँखामा उनी ढाकाराम रानाभाटका छोरा हैनन्, एक पीड़ित नेपाली आमाका छोरा हुन् । यस्ता पीड़ितहरूकै लागि यो पैसा सदुपयोग हुनुपर्छ भन्ने कुरा रानाभाट बचाउ समितिले हेक्का राखोस् ।
उनले थपेकी छिन्- विनोद रानाभाटको पैसा व्यवस्थापनबारे आज कार्यक्रम हुँदै रहेछ । खबरदार समितिका सरदारहरू, यो पैसा तिमीहरूको स्वास्नीको दाइजो या बाउको अंश हैन जस्लाई जसरी मनलाग्यो त्यसरी चलाउन र उपभोग गर्न पाउने। म्यासेन्जरमा त्यत्रो ग्रुप च्याट बनाएर सल्लाह भैरहँदा समितिका टाउकेहरू किन आउँदैनौ हामीसँग बहस र छलफलमा ?
विनोद रानाभाट बचाउ फेसबुके अभियानलाई सहयोग गरेका एकजना मनकारी लेख्छन्- समितिले बारम्बार मुठोमा र्याल चुहायो त्यो मुठो रकम हात नपर्ने छाँटकाट देखेसी ३ चोक्टा गरेर बाँड्ने मनसाय आफैं–आफैं बनायो । अहिले त्यही पैसाको ब्याज के कति हो केही कुराको सार्वजनिक सूचना सार्वजनिक नगरी अन्तै दिने मनसाय फेरि बनाउँदा समितिले बारम्बार देखाएको स्वार्थलाई अब हामीले के भन्ने, लोभीपापी भन्नुपर्ने हो ?
यता अभियानको पैसा समातेर बसेका अर्जुन भुसालले भने त्यो पैसा जसलाई पनि सहयोग गर्न सकिने धारणा राखेका छन् । महावीर पुनको आविस्कार केन्द्रलाई पनि दिन सकिने, घुर्मुस सुन्तली फाउन्डेसनलाई पनि दिन सकिने विचार राख्दै आएका छन् ।
सामाजिक सञ्जालमा भने आफूहरूले पीडितलाई भनेर सहयोग गरेको र त्यो पैसा अन्य पीडितलाई नै बाँड्नुर्ने विचार सहयोगीहरूको देखिन्छ ।
अर्जुन भुसाल घुर्मुस सुन्तली हुन् कि महावीर पुन, रवि लामिछाने वा समाज नाम चलेको मान्छेको पछि लागेर मोबाइलबाट लाइभ गर्दै आफूलाई महान अभियान्ता साबित गर्ने प्रयासमा छन् । मानिसहरू उनीमाथि शंका गर्दै भन्ने गर्छन्- यो यिनको देखाउने दाँत हो, पैसामा र्याल काढ्ने लोभी हो यो ।'
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...