हिन्दू धर्ममा आस्था राख्ने कतिपयले सूर्यबाट ॐ आवाज आउने भनी गरेको दाबीलाई नासा (नेसनल एरोनोटिक्स एण्ड स्पेस एड्मिनिस्ट्रेसन)ले खारेज गरेको छ ।

नासाले सोलार इलेक्ट्रोम्याग्नेटिक तरङ्गको आवाज ॐ नभएको बरू हल्का, सौर्य सामग्री (लाभा) बगिरहेको, चालू ज्वालामुखी जस्तो र एकदमै मन्द आवाज आउने दाबी गरेको हो ।

भारतको पोण्डेचरीकी लेफ्टिनेन्ट गभर्नर किरन वेदीले सूर्यबाट 'ॐ' आवाज आएको भनी भिडियोसहित सामाजिक सञ्जाल ट्वीटरमा पोस्ट गरेकी थिइन् । जवाफमा नासाले आफ्नो अफिसियल ट्वीटरमै वेदीको दाबीलाई खारेज गर्दै भिडियो पोस्ट गरेको छ ।

नासाको यस्तो अभिव्यक्तिपछि वेदीले झुटो अफवाह फैलाएको भन्दै कतिपयले उनको आलोचना गरेका छन् ।

The Sun is not silent. The low, pulsing hum of our star's heartbeat allows scientists to peer inside, revealing huge rivers of solar material flowing, along with waves, loops and eruptions. This helps scientists study what can’t be seen. Listen in: https://t.co/J4ZC3hUwtL pic.twitter.com/lw30NIEob2

— NASA (@NASA) July 25, 2018