इन्डियन प्रिमियर लिग (आईपीएल) क्रिकेटमा रोयल च्यालेन्जर्स बैंगलुरु अर्थात् आरसीबीले एक महिनाको प्रतिक्षापछि दोस्रो जीत हात पारेको छ । फाफ डु प्लेसिसको टोलीले मार्च २५ मा भएको पहिलो खेल जितेको थियो । बिहीबार राति सनराइजर्स हैदरावादलाई आफ्नै मैदानमा ३५ रनले पराजित गर्दै दोस्रो जीत दर्ता गरेको हो ।

जितमा विराट कोहली र रजत पाटीदारको महत्वपूर्ण भूमिका थियो । पछिल्लो चार खेलमा लगातार जितपछि हैदरावादको यो पहिलो हार हो । लगातार छ हारपछि आरसीबीको यो पहिलो जीत हो ।

खेल जितेपछि डु प्लेसिसले भने, ‘हामीले पछिल्ला दुई खेलमा राम्रो चुनौती दिएका थियौं । हामी जितको नजिक थियौं, तर आत्मविश्वास हासिल गर्न खेल जित्नुपर्छ। तपाई आजराति आरामसँग निद्रा लाग्नेछ ।'