इङ्लिस प्रिमियर लिग फुटबलमा चेल्सीले पाँचौँ स्थानमा रहेको टोटेनह्यामलाई पराजित गरेको छ । बिहीबार राति सम्पन्न खेलमा घरेलु टोली चेल्सी २-० गोल अन्तरले विजयी भएको हो । हारसँगै टोटनह्याको च्याम्पियन्स लिगमा पुग्ने सम्भावनामा धक्का लागेको छ । 

चेल्सीको जितमा ट्रेभो चालोबा र निकोलस ज्याक्सनले गोल गरे।

जितसँगै चेल्सी आठौँ स्थानमा उक्लिएको छ । ३४ खेल खेलेको चेल्सीको ५१ अंक छ । समान खेल खेलेको टोटेनह्याम ६० अंकसहित पाँचौँ स्थानमा छ ।

यस्तै, चौथो स्थानमा रहेको एस्टन भिल्लाको ३५ खेलबाट ६७ अंक छ ।