सिरोहियालाई पक्राउ गरिनु सरकारको अलोकतान्त्रिक कदमः देउवा

नेपाली कांग्रेसका सभापति शेरबहादुर देउवाले कान्तिपुर मिडिया ग्रुपका अध्यक्ष कैलाश सिरोहियालाई प्रतिशोधपूर्ण ढङ्गबाट पक्राउ गरिनु सरकारको अलोकतान्त्रिक कदम भएको टिप्पणी गरेका छन् । 

मङ्गलवार राति सामाजिक सञ्जाल एक्समा ट्वीट गर्दै देउवाले मिडियालाई तर्साउने उद्देश्य सहितको गठबन्धन सरकारको यो निर्णय खेदजनक रहेको समेत बताएका छन् । 

‘कान्तिपुर मिडिया ग्रुपका अध्यक्ष कैलाश सिरोहियालाई प्रतिशोधपूर्ण ढङ्गबाट पक्राउ गरिनु सरकारको अलोकतान्त्रिक कदम हो। मिडियालाई तर्साउने उद्देश्य सहितको गठबन्धन सरकारको यो निर्णय खेदजनक छ’, देउवाको भनाइ छ । 

सिरोहिया मङ्गलवार नागरिकता प्रकरणमा कार्यालयबाटै पक्राउ परेका थिए ।