काठमाडौं - काठमाडौंको गोंगबुमा गोली चलेको छ । अवैध हतियार सहित हिँडिरहेका एक व्यक्तिलाई पक्राउ गर्न प्रहरीले गोली चलाएको हो ।

पक्राउ पर्नेमा काभ्रेका अभिलाश तामाङ छन् । महानगरीय प्रहरी वृत्त, महाराजगञ्जका अनुसार प्रहरी निरीक्षक मोहनविक्रम केसी नेतृत्वको टोली घटनास्थलमै छ ।

तामाङ हतियारसहित हिँडेको सूचनाका आधारमा खटिएको प्रहरी टोलीले उनलाई भेटेपछि पक्राउ गर्ने क्रममा गोली चलाएको हो ।

आफूहरूमाथि जाइलाग्न खोजेपछि गोली चलाइएको प्रहरीले जनाएको छ ।

प्रहरीका अनुसार तामाङको खुट्टामा गोली लागेको छ ।