काठमाडौं – मोटरसाइकल र तीनवटा कार चढेर आएका सशस्त्र व्यक्तिहरूको एक समूहले ब्राजिलको बेलेम शहरमा आइतवार गोलीकाण्ड मच्चाउँदा कम्तीमा ११ जनाको मृत्यु भएको अधिकारीहरूले बताएका छन् । 

घटना कुन उद्देश्यले गराइएको हो भन्ने अधिकारीहरूले खुलाएका छैनन् । 

आइतवार दिउँसो ४ बजे सातजनाले यो घटना गराएको ब्राजिली अखबार जी१ले अधिकारीहरूलाई उद्धृत गर्दै जनायो । 

घटनामा ६ महिला र पाँच पुरुष मारिएका छन् । लगभग सबैलाई टाउकोमा गोली हानिएको अधिकारीहरूले बताए । 

प्रहरीले एकजना आरोपित बन्दूकधारीलाई पक्राउ गरेर हिरासतमा लिए तर अरू चाहिँ भाग्न सफल भए । उनीहरूले आक्रमण गरेको बार उच्च अपराधको जोखिम भएको ठाउँमा पर्छ र त्यहाँ अतिरिक्त प्रहरी बल सन् २०१९ को आरम्भमा तैनाथ गरिएको जी१ले लेख्यो ।

प्रहरीले घटनाको अनुसन्धान गरिरहेको छ ।

एजेन्सी