कात्तिक २७, २०८०
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
डडेल्धुरामा अनशनरत डा गोविन्द केसीको स्वास्थ्य अवस्थाबारे सुदूरपश्चिम प्रदेशका मुख्यमन्त्री त्रिलोचन भट्टले जानकारी दिनुभएको छ । आज बिहान स्वास्थ्य अवस्थाबारे जानकारी लिनुभएका मुख्यमन्त्री भट्टले डा केसीसँगै टेलिफोनमा कुराकानी गर्दै अनशन तोड्न आग्रह गर्नुभएको हो ।
डा केसीका सकारात्मक मागलाई सङ्घीय सरकारमा पु¥याउन सुदूरपश्चिम प्रदेश सरकार पहल गर्न तयार रहेको मुख्यमन्त्रीको सचिवालयले जनाएको छ । डडेल्धुरा अस्पतालमा सरकारी चिकित्सकको व्यवस्था नभएसम्म आफूले अनशन नतोड्ने डा केसीको अडान छ ।
अनशनरत डा गोविन्द केसीको समर्थनमा डडेल्धुरामा सर्वसाधारणले सडक बन्द गरेका छन् । उहाँको स्वास्थ्य अवस्था नाजुक बन्दै गएकाले थप उपचारका लागि काठमाडौँ ल्याउन हेलिकाप्टर डडेल्धुरा पुगेपछि सर्वसाधारणले विरोध जनाउँदै सडक बन्द गरेका हुन् ।
अनशनरत डा केसीको माग सम्बोधन गरी आवश्यक पहल कदमी लिई तत्कालै डडेल्धुरा असपतालमा आवश्यक व्यवस्थापन गर्न र वार्ताको वातावरण तयार गर्न भन्दै डक्टर सोसाइटी अफ नेपालले प्रेस वक्तव्य जारी गरेको छ । विज्ञप्तिमा चिकित्सा शिक्षाको लामो सङ्घर्ष थुपै्र आरोह–अवरोहपछि फेरि एकपटक संवेदनशील मोडमा आइपुगेको जनाउँदै डक्टर सोसाइटीले १६औँ अनशनपश्चात् राज्यद्वारा प्रतिबद्ध माग पूरा नभएकाले कात्तिक १८ गतेदेखि डा केसीले डडेल्धुराबाट १७औँ पटक अनशन थालेकाले आज आठ दिन पुगिसक्दा पनि राज्यका तर्फबाट कुनै पहलकदमी नहुनु अत्यन्तै खेदपूर्ण रहेको उल्लेख छ ।
प्रेस वक्तव्यमा भनिएको छ, “डा केसीको रगतमा चिनीको मात्रा, अक्सिजन जस्ता सूचाङ्क तलमाथि भइरहेको अवस्था छ । डडेल्धुरा अस्पतालमा भौतिक पूर्वाधार र आवश्यक जनशक्तिको अभावले उक्त विषम परिस्थिति खडा गरेको छ । दैनिक सयाँै बिरामी आउने अस्पतालमा समायोजन कार्यान्वयन भएसँगै हाल तीनजना चिकित्सक मात्र कार्यरत भएको हुँदा तत्काल अस्पतालमा आवश्यक जनशक्तिको व्यवस्था गरी सुविधा सम्पन्न बनाउनुपर्ने अवस्था छ । डा केसीको माग र इच्छालाई सम्मान गर्दै राज्यले तत्काल सम्बोधन गर्नु पर्नेछ ।”
डा तोसिमा कार्मी, डा कालुसिंह खत्री, डा पुष्पमणि खराल र डा कविराजद्वारा हस्ताक्षरित प्रेस वक्तव्यमा लेखिएको छ–‘१५औँ अनशन झैँ राज्यले अपहरणशैलीमा सत्याग्राहीलाई उठाउनु खोज्नु अत्यन्त खेदपूर्ण छ । राज्यले बल प्रयोग गर्नुभन्दा समाधानतर्फ अग्रसर हुन जरुरी छ । कुनै पनि बहानामा राज्यले सम्बोधनतर्फ भन्दा मुठभेडतर्फ अग्रसर हुनु भोलिका दिनमा राज्यलाई अझै क्षति हुनेछ ।’
डा केसीका माग सम्बोधन गरी आवश्यक पहल कदमी लिई तत्कालै डडेल्धुरा अस्पतालमा आवश्यक जनशक्ति व्यवस्थापन गर्न र वार्ताको वातावरण तयार गर्न विज्ञप्तिमार्फत जोडदार अपिल गरिएको छ ।
डा केसीलाई लिन गएको हेलिकप्टर रित्तै फर्किएको छ । डा केसीले जबरजस्ती अन्यत्र नजाने अडान लिएको र स्थानीयवासीले डा केसीको माग पूरा नगरी जान नदिने भन्दै विरोध गरेपछि हेलिकप्टर रित्तै फर्किएको हो । अनसनका कारण डा केसीको स्वास्थ्य बिग्रिएपछि सरकारले उहाँलाई काठमाडौँ ल्याउन नेपाली सेनाको हेलिकप्टर पठाएको थियो । सहमति विपरीत डा केसीलाई लैजान नदिने भन्दै स्थानीयवासीले बिहानदेखि नै डडेल्धुरामा प्रदर्शन गरिरहेका थिए ।
डा केसीलाई मनाउन डडेल्धुराका प्रमुख जिल्ला अधिकारीले प्रयास गर्नुभए पनि डा केसीले उहाँलाईसमेत भेट्न मान्नुभएन । चारैतिरको अवरोध र डा केसीले पनि नजाने अडान राखेपछि हेलोकप्टर रित्तै फर्किएको जिल्ला प्रशासन कार्यालयका डडेल्धुराले जनाएको छ । डा केसीले जान नमानेपछि दिउँसो १ बजे हेलिकोप्टर फर्किएको डडेल्धुरा जिल्ला प्रहरी नायब उपरीक्षक दधिराम न्यौपानेले बताउनुभयो ।
डा केसीले सुविधासम्पन्न अस्पतालमा उपचारका लगि जान नमानेको उहाँका भाइ किशोर केसीले बताउनुभयो । सुदूरपश्चिम प्रदेशको पहाडी जिल्लामा मेडिकल कलेज खोलिनुपर्ने र डडेल्धुरा अस्पतालमा दरबन्दीअनुसार चिकित्सक हुनुपर्ने माग भएकाले माग पूरा नभएसम्म यहीँ बस्ने तयारी भएको उहाँले जनाउनुभयो ।रासस
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...