ब्राजिली फूटबलर नेयमारकी ५२ वर्षीया आमा नाडाइन गोन्साल्भेसले आफ्ना २२ वर्षीय प्रेमीसँग सम्बन्ध तोडेकी छन् । 

उनले भिडियोगेम बनाउने टियागो रामोससँग डेटिङ गरिरहेको खबर आएको थियो । तर १५ दिन पनि नबित्दै गोन्साल्भेसले रामोससँग सम्बन्ध टुटाएकी छन् ।

रामोस समलिंगी भएको र उनले थुप्रै पुरुषहरूसँग डेटिङ गरेको उनले थाहा पाइन् । 

गोन्साल्भेसले आफ्नो इन्स्टाग्राम अकाउन्टमा फोटो पोस्ट गरेर रामोससँगको सम्बन्ध सार्वजनिक गरेकी थिइन् । रामोस नेयमारभन्दा ६ वर्ष कान्छा छन् । 

नडाइन गोन्साल्भेसले नेयामारका पिता वाग्नर रिबेरियोसँग सन् २०१६ मा सम्बन्धविच्छेद गरेकी थिइन् । 

उनले रामोससँग सम्बन्ध जोड्दा नेयमार र उनका पिताले स्वीकृति दिएका थिए । 

डेली मेलको एक खबर अनुसार, नेयमारका निजी शेफ माउरोसँग डेटिङ गरेपछि रामोस नाडाइन गोन्साल्भेससँग नजिकिएका थिए । अहिले सम्बन्ध टुटेपछि रामोस नाडाइनको घर छोडेर आफ्नै घरमा बस्न थालेका छन् ।