कात्तिक २१, २०८०
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
जनकपुरधाम उपमहानगरपालिका–४ स्थित गोपाल धर्मशालामा सञ्चालित क्वारेन्टाइनमा रहेका व्यक्तिले खाना बहिष्कार गरेर भोक हड्ताल शुरू गरेका छन् ।
जनकपुरधाम उपमहानगरपालिकाद्वारा सञ्चालित क्वारेन्टाइनमा बसिरहेका व्यक्तिले सोमवार बिहानको चिया बहिष्कार गरेका छन् ।
क्वारेन्टाइनमा बस्दै आएका जनकपुरधाम उपमहानगर–४ का स्थानीय इन्द्रेश्वर झाका अनुसार क्वारेन्टाइनमा १० जना कोरोना संक्रमित पाइएको २ दिन बित्दा पनि क्वारेन्टाइनलाई स्यानिटाइज नगरेको र थप व्यक्तिमा संक्रमणको जोखिम बढेको भन्दै चिया बहिष्कार गरिएको छ । ‘बिहान ८ बजे आएको चिया हामी सबैले बहिष्कार गरेका छौं, चिया जस्ताको त्यस्तै राखिएको छ, कसैले पनि खाएका छैनौं,’ झाले लोकान्तरसँग भने, ‘हाम्रो मागको सुनुवाइ नभए हामी दिन र रातिमा दिने खाना समेत बहिष्कार गर्नेछौं ।’
क्वारेन्टाइनमा करीब ७५ जना छन् । क्वारेन्टाइनमा बसिरहेका व्यक्तिमध्ये शनिवार बिहान २ जनामा कोरोना पोजेटिभको रिपोर्ट आएको थियो । ‘संक्रमितलाई १ दिनपछि आइतवार राति मात्रै आइसोलेसनमा पठाइएको थियो,’ उनले थपे, ‘फेरि आइतवार ८ जनामा कोरोना पोजेटिभ आयो र आइतवार साँझ ६ बजेतिर १० जनालाई आइसोलेसनमा लगिएको छ ।’
क्वारेन्टाइनमा रहेका १० जना व्यक्तिमा कोरोना पोजेटिभ देखिएपछि पूरै क्वारेन्टाइनलाई तत्काल नै स्यानिटाइज गर्नुपर्ने भएपनि हालसम्म गरिएको छैन । ‘संक्रमित भएका १० जना र क्वारेन्टाइनमा बसेका व्यक्तिले समेत त्यहीँ शौचालय, बरण्डा लगायतका सामान प्रयोग गर्ने गरेका थियौं,’ उनले भने, ‘त्यसैले क्वारेन्टाइनलाई सील गरेर स्यानिटाइज गर्नुपर्नेमा हालसम्म नगरिएकाले बाँकी व्यक्तिमा समेत जोखिम बढेको छ ।’
क्वारेन्टाइनमा ८ दिनअघि सबैको स्वाब संकलन गरिएको थियो । जसमध्ये १० जनाको कोरोना पोजेटिभ आएको थियो । बाँकी व्यक्तिको नेगेटिभ आएपनि रिपोर्ट नदिइएको उनले बताए । १४ दिनभन्दा बढी भइसकेका र कोरोनाको परीक्षणमा नेगेटिभ आएका व्यक्तिलाई क्वारेन्टाइनबाट घर पठाउनुपर्ने प्रमुख माग रहेको उनले बताए ।
‘रिपोर्ट नेगेटिभ आइसकेका हामी आफैं आफ्नो घरमा होम क्वारेन्टाइनमा बस्दा थप सुरक्षित हुन सक्छौं, नत्र यहाँ क्वारेन्टाइनमा हामी झन् बढी असुरक्षित भइरहेका छौं ।’
क्वारेन्टाइन सञ्चालन भएको २ दिनसम्म उपमहानगरका प्रमुख लालकिशोर साह आफैं बिहान पुगेर क्वारेन्टाइनमा बसिरहेका व्यक्तिको हौसला बढाउने काम गरेका थिए । २ दिनसम्म बिहानै योग समेत सिकाउने गरिएको थियो । ‘तर २ दिनपछि न त योग सिकाउने योगगुरु नै आउनुभयो, न त मेयर सा’प वा अन्य कुनै स्वास्थ्यकर्मी नै आउनुभएन,’ झाले भने ।
क्वारेन्टाइन सञ्चालन भएको १ दिन बिहान दूधको चिया दिइएको थियो, पछि रातो चिया दिन थालिएको उनले बताए । ‘शुरूमा २ दिन चियासँगै बिस्कुट पनि दिइएको थियो तर त्यसपछि बिस्कुट पनि बन्द भएको छ,’ उनले भने, ‘२ टाइम खाना दिने गरिएको छ । दाल, भात, भुजिया र एउटा तरकारीसहित खुर्सानी र प्याज खानामा शुरू–शुरुमा दिने गरिएको थियो । पछि खानामा भुजिया दिन छाडिएको छ ।’
साँझको खाजामा कुनै दिन हलुवा, कुनै दिन सेवई र कुनै दिन च्युरा घूघनी दिने गरिएको उनले बताए । च्युरा घूघनी दिँदा च्युरा बढी तथा घूघनी एकदमै कम दिने गरिएको हुनाले खाजा खान समेत समस्या हुने गरेको उनले बताए ।
‘फोहोरमैला सफा गर्नका लागि भित्र सफाइकर्मी कर्मचारी मात्र आउने गर्छन्,’ झाले भने, ‘त्यसपछि त्यही सफाइकर्मीले नै खाना र नास्ता ल्याउने गर्छन् र टेबुलमा एकै ठाउँमा राखेर जाने गर्छन् ।’ क्वारेन्टाइनमा रहेका केही व्यक्तिलाई भित्र बस्ने कोठा उपलब्ध नभएपछि ८ जनाजति बरण्डामा नै बस्ने गरेको उनले बताए ।
समस्याबारे जनकपुरधाम उपमहानगरका प्रमुख लालकिशोर साहसँग सम्पर्क गर्दा सम्पर्क हुन सकेन । उपप्रमुख रीतादेवी मिश्रसँग सम्पर्क भएपनि आफूलाई केही पनि थाहा नभएको प्रतिक्रिया दिइन् ।
‘शुक्रवारदेखि नै मसँग अफिसको साँचो छैन, अफिस पनि गएको छैन, त्यसैले केही पनि थाहा छैन,’ उपप्रमुख झाले बताइन् ।
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
काठमाडौँ उपत्यका अपराध अनुसन्धान कार्यालयले ‘कल गर्ल’ चाहिएमा उपलब्ध गराइदिने भनी ठगी गर्ने दुई जनालाई पक्राउ गरी आज सार्वजनिक गरेको छ । सामाजिक सञ्जालबाट ‘कल गर्ल’ उपल...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...