गोदावरी नगरपालिकाका प्रमुख प्रशासकीय अधिकृत कृष्णप्रसाद जैशी र सब-इञ्जिनीयर किशोरकुमार मोक्तानलाई १ लाख ५० हजार रुपैयाँ घुससहित अख्तियारले नियन्त्रणमा लिएको छ ।

विकास निर्माणको कामको भुक्तानीका क्रममा घुस मागेको भन्ने सूचनाका आधारमा अख्तियारबाट खटिएको टोलीले जैशी र मोक्तानलाई नियन्त्रणमा लिएको अख्तियारका प्रवक्ता तारानाथ अधिकारीले जानकारी दिए ।

'विकास निर्माणको भुक्तानीका क्रममा घुस मागेको भन्ने सूचनाका आधारमा खटिएको टोलीले प्रमुख प्रशासकीय अधिकृत जैशी र सब-इञ्जिनीयर मोक्तानलाई नियन्त्रणमा लिएको छ,' प्रवक्ता अधिकारीले लोकान्तरसँग भने, 'यहाँबाट खटिएको टोली आइपुग्नै बाँकी रहेकाले थप विवरण आइसकेको छैन ।'