यी संगीतकारले ४० मिटर उचाइमा झुण्डिएर बजाए पियानो (भिडियो)

स्विट्जरल्यान्डका पियानोवादक एलेन रोशेले भुइँभन्दा ४० मिटरमाथि क्रेनमा झुण्डिएर पियानो बजाएका छन् । 

फ्रान्सको नान्तेस शहरमा रहेको एक निर्माणाधीन भवनमा एक सयभन्दा बढी संगीतप्रेमीहरूका अगाडि शुक्रवार रोशेले सांगीतिक प्रस्तुति दिएका हुन् । 


Advertisement

श्रोताहरू कुर्सीमा बसेका थिए र उनीहरूलाई हेडफोन दिइएको थियो । उच्च गुणस्तरको संगीत सुनियोस् भनी त्यसो गरिएको थियो । 

विशाल पियानोलाई ९० डिग्री आकाशमा झुण्ड्याइएको रोशेले बताए । परम्परालाई हटाउन यसो गरिएको हो । निर्माण स्थलको कच्चा तथा फोहरी संसारसँग सामना गर्न पियानोवादकको शास्त्रीय पाटो देखाउन खोजेको उनले बताए ।
 


Advertisement

रोशेको अनौठो सेटिङको पियानोवादनले श्रोताहरूलाई प्रभावित तुल्यायो । एक श्रोताले भने, ‘यो असाधारण, जादूयी शहरी कवितात्मक प्रस्तुति थियो ।’ 
 

एजेन्सी
एजेन्सी

लेखकबाट थप...

कमेन्ट गर्नुहोस्