भारतका पूर्व मन्त्री जसवंत सिंहको ८२ वर्षको उमेरमा आइतवार निधन भएको छ । 

केही समयदेखि स्वास्थ्यमा समस्या देखिएका उनलाई २५ जूनमा दिल्लीको आर्मी अस्पतालमा भर्ना गरिएको थियो । 

उनको मल्टीअर्गन डिसफंक्शन सिन्ड्रोमका साथै सेप्सिसको उपचार भइरहेको थियो । 

आइतवार उनलाई हृदयघात भएको बताइएको छ । 

उनको निधनमा भारतीय प्रधानमन्त्री नरेन्द्र मोदीले दुख व्यक्त गरेका छन् । 

भारतीय प्रधानमन्त्री मोदीले ट्वीट गर्दै जसवंत सिंहले पूरा समय देशको सेवा गरेको स्मरण गरेका छन् । उनको निधनले आफू दुखी भएको मोदीले लेखेका छन् ।