यी ६ कम्पनीको शेयर मूल्यमा उच्च वृद्धि, सर्किट लेभलमा कारोवार

साताको पहिलो दिन आइतवार शेयर बजारमा निकै उतारचढाव भएको छ । 

बजारमा उतारचढाव हुँदा विभिन्न ६ कम्पनीको शेयरमूल्यमा उच्च वृद्धि भएको छ । 

समाचार तयार पार्दासम्म (१२ः५८ बजे) सनराइज फ्रस्ट मुचुअल फण्डको शेयर मूल्यमा सर्किट लागेको छ । शेयर मूल्य १० प्रतिशतले बढ्दा १३.४२ पुगेको छ । 

नेपाल स्टक एक्सचेञ्ज (नेप्से) का अनुसार, माथिल्लो तामाकोशी जलविद्युत आयोजनाको शेयर मूल्यमा पनि सर्किट लागेको छ । यस आयोजनाको शेयर मूल्य ४९ रुपैयाँ बढी ५ सय ३९ पुगेको छ । 

यस्तै नेपाल इन्फ्रास्टक्चर बैंक (निफ्रा)को शेयर मूल्यमा ९.८९ प्रतिशतको वृद्धि भएको छ । बैंकको शेयर मूल्य ५४ रुपैयाँले बढ्दै ६ सय रुपैयाँ पुगेको छ । 

यस्तै नेपाल हाइड्रो डेभलपर्स लिमिटेडको शेयर मूल्यमा ९.८२ प्रतिशतको वृद्धि भएको छ ।  कम्पनीको शेयर मूल्य २७ रुपैयाँले बढ्दै ३ सय २ रुपैयाँ पुगेको छ । 

नेप्सेका अनुसार, चन्द्रागिरी हिल्स लिमिटेडको शेयर मूल्य ९.८० प्रतिशतले बढेको छ । कम्पनीको शेयर मूल्य २४ रुपैयाँले बढ्दै २ सय ६९ रुपैयाँ पुगेको छ । 

यस्तै, समृद्धि फाइनान्स कम्पनी लिमिटेडको शेयर मूल्य ९.७७ प्रतिशतले बढेको छ । कम्पनीको शेयरमूल्य २१ रुपैयाँले बढी २ सय ३६ रुपैयाँ पुगेको छ ।