इराकको राजधानी बग्दादमा रहेको कोरोनाभाइरस अस्पतालमा आगलागी हुँदा कम्तीमा २७ जनाको मृत्यु भएको छ । 

अक्सिजन ट्यांक विस्फोट भएपछि आगो लागेको थियो । 
 

इब्न अल–खातिब अस्पतालमा शनिवार अबेर आगो लागेको थियो । अस्पतालमा रहेका १२० जना रोगीलाई बाहिर निकाल्न हम्मेहम्मे परेको थियो । 

सामाजिक सञ्जालमा शेयर गरिएका फूटेजमा अस्पतालको झ्यालबाट आगोका लप्का र धूवाँ आएको देखिन्थ्यो । 

स्थानीय तथा अग्निनियन्त्रकहरूको प्रयासका बावजूद आगलागीमा परी कम्तीमा २७ जनाको मृत्यु भएको छ र ४६ जना घाइते भएका छन् । बिरामीहरूलाई अर्को अस्पतालमा लग्नका लागि दर्जनौं एम्बुलेन्स आएका थिए । 

आगो भुइँतल्लामा लागेको र त्यहाँ पल्मोनरी सघन उपचार कक्ष रहेको अधिकारीहरूले बताए । कोभिडका रोगीहरूका लागि अत्यावश्यक अक्सिजन सिलिन्डर विस्फोट हुँदा आगलागी भएको हो । 

Dozens of victims of the Ibn al-Khatib hospital fire in Baghdad, 23 martyrs as a preliminary toll, and the numbers are escalating.
_________________________
دەیان قوربانی بە هۆی سوتانی نەخۆشخانەی ئیبن ئەلخەتیب لە بەغدا، 23 شەهید وەک ژمارەی سەرەتایی . pic.twitter.com/ybYbSPyo0l

— Murad Kurdistani (@Murad_Officiall) April 24, 2021