संवैधानिक परिषद्ले लोकसेवा आयोगको अध्यक्षमा पूर्वसचिव माधव रेग्मी सहित अन्य संवैधानिक आयोगमा पदपूर्तिका लागि सिफारिश गरेको छ ।

प्रधानमन्त्री निवास बालुवाटारमा आइतवार बिहान बसेको परिषद् बैठकले लोकसेवा आयोगमा रेग्मीको नाम नियुक्तिका लागि सिफारिश गरेको स्रोतले जानकारी दियो । 

लोकसेवाका अन्य सदस्य, अख्तियार र निर्वाचन आयोगमा पनि आयुक्तहरुको सिफारिश भएको स्रोतले बतायो । अन्यको नाम बाहिर आएको छैन ।

संसदीय सुनुवाइ समितिबाट अनुमोदन भएपछि नियुक्ती हुनेछ । यसअघिका सिफारिशमा सभामुखले संवैधानिक परिषद्लाई पत्र फिर्ता गरिदिएपछि सुनुवाइ नभइ नियुक्त गरिएको थियो । 

बैठकमा परिषद्का अध्यक्ष प्रधानमन्त्री केपी शर्मा ओली, प्रधानन्यायाधीश चोलेन्द्र शमशेर जबरा, राष्ट्रिय सभाका अध्यक्ष गणेश तिमल्सिना सहभागि थिए । सभामुख अग्नि सापकोटा र प्रमुख प्रतिपक्षी दलका नेता कांग्रेस सभापति शेरबहादुर देउवा भने बैठकमा सहभागि थिएनन् ।