अफगानिस्तान : यात्रुवाहक मिनीभ्यानमा विस्फोट, ११ जनाको मृत्यु

अफगानिस्तानको उत्तरपश्चिमी भागमा यात्रुहरू लिएर गइरहेको एक मिनीभ्यानमा बम विस्फोट गराउँदा कम्तीमा ११ जना यात्रुको मृत्यु भएको एक अफगान अधिकारीले आइतवार बताएका छन् । 
मर्नेमा तीन बालबालिका पनि छन् । 

शनिवार भएको विस्फोटका कारण मिनीभ्यान पहाडबाट उपत्यकामा खसेको बादगिस प्रान्तका गभर्नर हासेमुद्दीन शम्सले बताए । 

उद्धारकर्ताहरूले उपत्यकामा मृत शरीरको अझै पनि खोजी गरिरहेको उनको भनाइ छ । 

कसैले पनि आक्रमणको जिम्मेवारी नलिएको भए पनि प्रान्त सरकारले यसका लागि तालिबानलाई दोष दिएको छ । तालिबानले यसमा प्रतिक्रिया दिएको छैन ।