नेपालको एमिल तेक्वान्दो डोजाङका खेलाडीले तेस्रो एमके क्लासिक खुला अन्तर्राष्ट्रिय भर्चुअल पुम्से तेक्वान्दो प्रतियोगितामा तीन स्वर्ण, एक रजत र एक  कांस्य जितेका छन् ।

पुरुष यू–१० मा एड्रिम राई र यू–९ मा कर्मा तामाङ तथा महिला यू–७ मा विशेषता रन्जितले स्वर्ण जितेका हुन् । 

पुरुष यू–९ मा आराध्यादेव अछामीले रजत तथा यू–१३ ब्ल्याक बेल्टमा स्वरुप बायुङ राईले कांस्य हात पारेको एमिलका प्रमुख प्रशिक्षक विश्व राईले जानकारी दिएका छन् ।  

प्रतियोगितामा राईले निर्णायकको भूमिकासमेत निर्वाह गरेका थिए ।

प्रतियोगितामा एमिलबाट सहभागी पाँचै खेलाडीले पदक हात पार्न सफल भएका हुन् ।

प्रतियोगिता भारतमा जुलाई १६ देखि १८ तारिखसम्म भएको थियो ।